Zaburi 97 - KITABU KITAKATIFU

Nyasaye aveeye mwamihi munene ligali

¹ Yahova aveeye mwami! Lirova, musangare! Musangare, O, munyi visulu vie inyanza.

² Malesi nikisundi kenene vimukumbirizaa; yamiha nuvulungi kandi ni likalaga liuvulungi.

³ Muliru gwimilaa imbiri weve, kandi gusambaa avasigu veve avamukumbirizaa.

⁴ Loheni lwilwe lwakizaa lirova liosi; lirova lilolaa ma lidegera.

⁵ Vigulu visalulukaa kuli ihura imbiri wa Yahova; Yee, imbiri wa Yahova wamihaa lirova liosi.

⁶ Vigulu vilandizaa vulungi vwivwe, kandi zihiiri ziosi zilolaa vukumi vwivwe.

⁷ Sa mulala usigamiraa vifananyi avikiywi mu zisoni; avanyasaye vosi viinama imbiri wa Yahova.

⁸ O, Yahova, avandu va Jerusalemi vaveeye nuvusangali, kandi avandu va madaala manene gi Ivuyuda vasangala kigira likalaga liilio.

⁹ Yahova Nyasaye Wuvunyali, oveeye mwamihi wi Lirova liosi; Ivi oveeye munene ligali kuvita avanyasaye vandi vosi.

¹⁰ Yahova ayaanza yavo avadunyiraa uvudamanu; akingaa livamwoyo lia vandu veve; avahonyiaa kutura kuzinguru zia avachamu.

¹¹ Uvulavu vwaka ku vandu valungi, kandi uvusangari vwaka ku valahi ligali.

¹² Munyi mwosi avaveeye avalungi musangare kigira aga Yahova amali kokora! Mwizurizi aga Nyasaye Mutakatifu amali kokora, na mumusandizi.