Zaburi 96 - KITABU KITAKATIFU

Nyasaye aveeye mwami munene kuvita vosi

¹ Mwimbiri Yahova ulwimbu luhia! Mwimbiri Yahova O, munyi avandu vosi ku lirova liosi!

² Mwimbiri Yahova kandi mumwizominye! Mulandizi amakuva malahi vuli lidiku ndi, amali kokohonyia.

³ Mulandizi uvukumi vwivwe ku zihiiri ziosi, muvoolere avandu vosi amakuva gi vikolwa vivie viokogenyia.

⁴ Yahova aveeye munene ligali kandi yizominywa ligali. Kuduuka avandu vamusigamiri kuvita avanyasaye vandi vosi.

⁵ Avanyasaye vi zihiiri zindi ziosi vaveeye vuzwa vifananyi viavazwa. Navuzwa Yahova oveeye munene ligali walomba ligulu.

⁶ Uvukumi novonene nuluyali vimukumbirizaa; kandi zinguru nuvulahi vizuyi Litembeli lilie litakatifu.

⁷ Mwizominye Yahova, O, munyi avandu vosi ku lirova. Mwizominye uvukumi vwivwe kandi uvunyali vwivwe.

⁸ Mwizominye lieta lia Yahova liuvukumi. Muleete kihanwa na mwingiri mu Litembeli lilie.

⁹ Musigamiri Yahova mu Litembeli lilie litakatifu, Mudegere imbiri weve, O, Munyi avandu vosi vi lirova.

¹⁰ Muvoolere zihiiri ziosi, “Yahova aveeye mwami! Lirova liasingirizwa vudinyu mu vogono vwalio na silinyala kusundwa mba; alakalagira avandu nilikalaga lirungi.”

¹¹ Musangare, O, munyi lirova ni ligulu! Uhuumi, O, ivi inyanza harara na viosi iviveeye mu.

¹² Musangare, O, munyi milimi, harara na viosi iviveeye mu munyi! Misaala mu militu jilahanzuka kigira uvusangari

¹³ lwa Yahova yaza kwamiiha lirova. Alamiiha avandu vi lirova ni likalaga lirungi kandi nagiligali.