Zaburi 87 - KITABU KITAKATIFU

Lizominywa lia Jerusalemi

¹ Yahova yumbaka lidaala lilie linene ku kiguru kitakatifu;

² Yahova yayanza avandu vi lidaala linene lia Jerusalemi, kuvita havundu handi hoosi mu Isiraeli.

³ Avandu vi lidaala linene lia Nyasaye, hulirizi ku vindu viokogenyia via avoora ku ivi.

⁴ “Lwa ndakang'ode zihiiri zimbuliraa, ndakameede ku avandu va Egebeti na Babiloni; Ndakavalizi avandu va Filisitia, Tiro na Ezopia, harara na vandu va Jerusalemi.”

⁵ Ligali Nyasaye Wuvunyali alavoora ku Ziyoni ndi, zihiiri ziosi zivulirwa yo alazikola zive nizinguru.

⁶ Yahova alakang'ode amita ga vandu vosi; kandi alakameede goosi harara kuli avandu vamenya mu Jerusalemi.

⁷ Vosi valimba nukuvina nivavoora, “Visinukiru viuvugasu vwitu vwosi viveeye mu Ziyoni.”