Zaburi 8 - KITABU KITAKATIFU

Vukumi vwa Nyasaye kandi luyali lwu mundu:

¹ O, Yahova Mwami wiitu, ovonene vuvwo vololekaa ku lirova liosi! Lizominywa liilio liduka igulu mwigulu,

² vukumi vuvwo vwizominywa na avayaayi, kandi avana vadoto. Ivi wayumbaka imbinga ukwikinga kutura ku vasigu vovo vosi, kandi ukiring'anyia yavo avahing'anaa nivi, kandi avavanzi vi kisaalia.

³ Lwa mbenzaa mu ligulu lia walomba, mweli kandi zing'ereng'ani zia wasingiriza mu vogono vwazio,

⁴ mundu aveeye ki, wa ivi umuganaganiraa anoho mwana wu mundu aveeye ki wa ivi ohenderaa mwoyo?

⁵ Nitali walomba mundu kuva mukekeeke ku ivi Nyasaye, wamuvika itaji yu vukumi kandi yu luyali.

⁶ Ivi wamukola ukwamiiha ku vindu viosi via walomba, kandi wavika vilombe viosi isi wi zinguru zizie,

⁷ magondi, zing'ombe kandi ni zinyama zindi ziu mumbulimu,

⁸ manyonyi gu mwigulu, kandi zisuzi kandi vilombe vindi viosi viu mu inyanza.

⁹ O, Yahova mwami wiitu, ovonene vuvwo vololekaa ku lirova liosi!