Zaburi 76 - KITABU KITAKATIFU

Nyasaye Aveeye Muguuti

¹ Nyasaye yamanyikana mu kivala chi Ivuyuda; lieta lilie liveeye nu luyali ligali mu Isiraeli.

² Yakola Jerusalemi; kuva hango hehe. Amenyaa mu kiguru cha Ziyoni.

³ Hazana yaho yavunanyia mivano juvuta ja vasigu. Yavunanyia zinguva ni vivavi viavo, yee, kandi viugi viavo viosi.

⁴ O, Nyasaye, ivi oveeye wuvukumi ligali! Ivi oveeye kuli umwami munene, wiranaa kutura mu vigulu umwa waguutira avasigu vovo.

⁵ Avasikari valuviliri vaavo vamali kulanya viosi via vaali navio, na kalunu vosi vaakuzi; zinguru ziavo ziosi ziali hazwa.

⁶ O, Nyasaye wa Yakobo, lwa wavatiihiza zibarasi na vahiri vazio vaagwa hasi nivakuza.

⁷ Navuzwa, ivi O, Yahova, utiivwa na vosi. Nivwaha unyala kusingira imbiri woovo kukalagirwa, lwa oveeye nu vutima?

⁸ Ivi walomba likalaga liilio limanyikane kutura mwigulu; vosi avamenyi ku lirova vaali nuvuti vonene kandi vachiring'ana ligali.

⁹ Wasingira kuhaana likalaga, okohonyia vosi avadambizwa ku lirova.

¹⁰ Ivi okolaa avandu vu vutima kukwizominya ligali; yavo avavura kukuzira muvulwani, valizuliza ing'inga ya masavo googo manene.

¹¹ Muhaane ku Yahova, Nyasaye winyu icha mwalagana naye; muleete vihaanwa kuye, munyi mwosi zihiiri ziahimbi ku uyu wukutivwa.

¹² Agehizaa vayaayi va avami vigingiraa, kandi atihizaa avami vanene ligali.