Zaburi 70 - KITABU KITAKATIFU

Lisaala kigira ovokonyi

¹ Ombonyie, O, Nyasaye! Ongonye kalunu ndi, O, Yahova!

² Leka yavo avenyaa kunzita vaguutwi ligali kandi vagoyane. Leka yavo avasangalaa kigira vudinyu vwange viranywe inyima kandi vaduuki muzisoni.

³ Leka yavo avangoleraa kehenyahenye vatiihizwi ligali niliguutwa liavo.

⁴ Leka yavo avaazaa ku ivi, vasangale kandi vayanze. Leka yavo avaveeye nilisandiza kigira ovohonyi vuvwo, vavoole kazozo, “Nyasaye aveeye munene ligali!”

⁵ Mbeeye mudedekere kandi mudaka; hamba vwangu ku inzi, O, Nyasaye. O, Yahova Ivi oveeye muhonyi wange, kandi mwami wa inzi sigamira. Hamba vwangu, ongonye!