Zaburi 67 - KITABU KITAKATIFU

Lwimbu lwi lisandiza ku Nyasaye

¹ O, Nyasaye, okoveere zimbavasi kandi ukugasize. Okohenze nuvulahi vwosi.

² Kunangwa avandu vosi ku lirova vaduuki kumanya uvulariri vuvwo; kunangwa zihiiri ziosi ziduuki kumanya ndi oveeye nizinguru okohonyia.

³ O, Nyasaye, leka avandu vosi vakwizominye; leka avandu vosi vakwizominye!

⁴ Leka zihiiri ziosi zive nu vuyanzi kandi vimbi nuvusangali, kigira ivi ukalagiraa avandu nuvulungi; Kandi wimiliraa vuli ihiiri ku lirova.

⁵ O, Nyasaye, leka avandu vosi vakwizominye; leka avandu vosi vakwizominye!

⁶ Lirova limali kwama ligesa lialio. Nyasaye, Nyasaye wiitu, umali kukugasiza.

⁷ Nyasaye umali kugasiza kunyi; leka avandu vosi ku lirova vamuhe luyali