Zaburi 64 - KITABU KITAKATIFU

Lisaala liu kwenya Likingwa kutura ku Nyasaye

(Izaburi ya Daudi)

¹ O, Nyasaye, mbeeye mu vudinyu vonene ligali, huliriza ku lisaala liange! Ombonyie kigira mbeeye nuvuti vonene ku vasigu vange vukutihiza.

² Ukingi inzi kutura ku linziira hasi lia vadamanu kandi ku lifuliana lia vachamu.

³ Vahiagalaa zinimi ziavo kuli vivavi, valasaa makuva malulu kuli mivano juvuta.

⁴ Vagonekaa nukulasa mundu utali niimbala vavalasaa, na nonoho vamuhane vugira uvuti.

⁵ Vazuvana aveene na vene mu lilohiza liavo kokora uvudamanu; vavoleranaa harara aha vaviika mitego jaavo vavoola, “Siaveeye ho nunyala kulola mba.”

⁶ Valomba zing'anagani ziavo zindamanu nivavoora, kalunu “Kumali kolohiza lilohiza liduukiru liukuvunaga malago.” Zing'anagani ziu musi ziu mundu ziveeye vindu vikogenyia.

⁷ Navuzwa Nyasaye avalasaa ni mivano jije juvuta; na nonoho, vatumitiiywi.

⁸ Nyasaye alavadiviza kigira zinimi ziavo; vosi avavalola, valasung'usa mitwi jaavo.

⁹ Maku avandu vosi valatia; valaganagana ku aga Nyasaye amali kokora, nukulandiza amakuva givikolwa vivie.

¹⁰ Avalungi vosi valasangala kigira aga Yahova amali kokora. Valanyora uvuhaliru muye; Avandu vosi avalungi valamwizominya.