Zaburi 58 - KITABU KITAKATIFU

Lisaala ku Nyasaye ahaane mageri ku avadamanu

¹ Munyi avamihi vizingulu, muhaanaa likaalaga lirungi? Mukalagiraa avandu vosi nuvulungi?

² Awa! Munyi muganaganaa vuzwa uvudamanu vwa munyala kokora, kandi muvunagaa malago nuvutindi vwu kusaliriza mu kivala.

³ Avandu vadamanu vakora uvudamanu mu livamwoyo liavo liosi vavoola ovovehi kutura ing'inga ya vivulangwa.

⁴ Vizuyi uvusungu kuli zinzoka, vahanyiaa amatu gaavo kuli kihiligoma chahana amatu;

⁵ ikitahulira mwoyo gwa vasigitiri vizinzoka anoho lwimbu lwu mulogi mugeri.

⁶ O, Nyasaye, vunanyia amiinu gi zisimba zisoleri yizi, O, Yahova kuula amiinu guvusungu gazio!

⁷ Na vagote kuli amazi gavitaa vwangu; leka vaduvagwe kuli indiva kunzira.

⁸ Vave kuli mang'oru gakamulukilaa kuli mamira vuzwa; Vave kuli mwana wivuliiywi nakuzi uwaali nakikiri kolola uvulavu vwi liuva.

⁹ Vakalagwaa kuli indiva; nivakikiri kumanya, Nyasaye alavahuuza mu vutima vwivwe vululu nivakikiri mwoyo.

¹⁰ Avalungi valasangala lwa valora avoni nivahevangwa mageri; Valasiena virenge viavo kuvitira mu masahi gavadamanu.

¹¹ Avandu valavoora, “Ligali avalungi valaheevwa madanyi; ligali aveeye ho Nyasaye ukalagiraa lirova.”