Zaburi 54 - KITABU KITAKATIFU

Lisaala liu kukingwa kutura ku vasigu

¹ O, Nyasaye, ombonyie ni zinguru zizio; kandi omboholore nu vunyali vuvwo!

² O, Nyasaye, hulira lisaala liange; huliriza makuva gu munwa gwange!

³ Avandu vu kwigingira vazaa nu kwenya kunwaana; avandu vaveeye ni kirage, avandu valulu vaageriza kunzita, avandu vatahenda mwoyo kigira Nyasaye; vageriza kunzita.

⁴ Navuzwa Nyasaye aveeye mukonyi wange, Yahova aveeye mukingi wange.

⁵ Nyasaye alahaana amageri ku vasigu vange kolondekana nu uvudamanu vwavo aveene. Nyasaye alavadiviza kigira aveeye musuuvirifu.

⁶ O, Yahova, inzi ndahaana kisiuvilu ku ivi nu vusangari, ndahaana lisaandiza ni lizominya ku ivi, kigira aveeye mulahi.

⁷ Ivi umali kombonyia kutura mu vudinyu vwange vwosi, kandi inzi mali kolola avasigu vange nivaguutiywi.