Zaburi 53 - KITABU KITAKATIFU

Uvudamanu vwa Avandu

¹ Avandu vasiru vavoola mu mioyo jaavo ndi, “Nyasaye siaveeyeho mba.” Vosi vaveeye avadamanu, kandi vamali kokora agukuvihiririza; sihaveeyeho nu mundu kali mulala okolaa agaveeye amalungi mba.

² Nyasaye ahenzaa ku avandu vosi kutura mwigulu, alole niiva haveeye ho na mulala oveeye mugeri; kandi niiva haveeye ho na mulala umusigamiraa.

³ Navuzwa avandu yava vosi vamali kutura kunzira ya Yahova, vosi vaveeye avadamanu, sihaveeye ho nu mundu kali mulala okolaa agaveeye amalungi mba.

⁴ Nyasaye ateevaa; “Avandu yava vamanya? Avandu vakora vudamanu yava vaveeye vugira limanya? Vaveeye mwoyo kigira vanura avandu vange, kandi sivasaala ku inzi mba.”

⁵ Navuzwa valatiihizwa ligali, kali kuvita kuli lwa vaali maziambiri, kigira Nyasaye alasaranyia ivigumba via avasigu va vandu veve. Nyasaye umali kuvasuura, kandi avandu va Isiraeli valavaguuta ligali.

⁶ Inzi ndakayanzi ndi uvuguuti kutura Ziyoni kuzia ku avandu va Isiraeli. Vulakave vusangali ki ku vandu va Isiraeli, lwa Nyasaye alivalomba kuva nu vutugi kandi!