Zaburi 51 - KITABU KITAKATIFU

Lisaala kigira Lisamiifwa

¹ O, Nyasaye, ombere zimbavasi kolondekana nu vuyanzi vuvwo uvutali nekeheri. Tuliza ho uvwoni vwange kolondekana nu uvunyingi vwi livererera liilo!

² Onzogize uvudamanu ligali, na undakase kutura muvwoni vwange.

³ Nziyamaa ligali mahiolo gange goosi; kandi inzi manya uvwoni vwange vwosi.

⁴ Inzi mali kukwonera ivi - ivi weng'ine. Inzi mali kokora agaveeye madamanu imbiri woovo kunangwa ivi oveeye vulungi mu likalagira inzi. Ivi ungalagira nuvulungi lwa ombezaa mageri.

⁵ Henza, Inzi mbeeye mudamanu kutura lidiku lia ndivulwa; inzi mbeeye mwoni kutura ing'inga ya ndaverekwa.

⁶ Ivi wenyaa uvusuuvirifu na giligali kutura ku inzi. Unzigize vogeri mu mwoyo gwange.

⁷ Tuliza ho uvwoni vwange, na inzi ndava munifu. Onzogize, na inzi ndava mulavu kuvita likonza.

⁸ Leka mbuliri mioyo juvusangali nuvuyanzi; na kaliva unduvulanyi, nukumbunanyia, inzi ndava nuvuyanzi kandi.

⁹ Utahenza uvwoni vwange mba, na utulize ho uvudamanu vwange.

¹⁰ O, Nyasaye, onombere mwoyo munifu, Uviiki mu inzi roho muhia kandi musuuvirifu.

¹¹ Utaangunga nduli imbiri woovo mba, utatuliza Roho Mutakatifu ku inzi mba.

¹² Unzilanyili uvusangari uvutulaa ku vohonyi vuvwo, na ongole mbe ukuhulilaa.

¹³ Maku ndigiza avoni malago googo, na valagirung'ana kuivi

¹⁴ O, Nyasaye, honyia livamwoyo liange na ombonyie, ku vwoni vwu kwiita avandi! Na ndalandiza uvulungi vuvwo nuvusangali.

¹⁵ O, Yahova, ongonye komoloma; na inzi ndakwizominya.

¹⁶ Ivi siwenya visiuviliru mba, ngano ndakavihaani; ivi siuyanzizangwa nivihaanwa viu kusambwa mba.

¹⁷ O, Nyasaye kisiuviriru change keveeye mwoyo gwi liegehiza. Ivi siulasuula mwoyo gwovohoma kandi gwi lieganira.

¹⁸ O, Nyasaye, Ove mulahi ku Ziyoni na ulikoonye. Wumbake vuhia zimbavasi zie lidaala linene lia Jerusalemi.

¹⁹ Hene yaho, ulayaanzizwa ni visiuviliru viduukira kandi nivihaanwa vietu ni viukusambwa; kandi zigiriki ziliitirwa ku vwali vuvwo kuli visiuviliru.