Zaburi 43 - KITABU KITAKATIFU

Lisaala liu Mundu oveeye mu Vuhambe

¹ O, Nyasaye, unandizi kuva vugira vudamanu; kandi osoore ku yavo avatamanyi ivi, ombonyie kutura ku avandu vagadi kandi avadamanu.

² Ivi oveeye mukingi wange; kigira ki ondeki? Kigira ki nzizagiliri kusalira kutura ku lidambizwa lia vasigu vange?

³ Leeta uvulavu vuvwo na agiligali googo; na viduuki kunzimilira. Kandi unziranyie nduuki Ziyoni, kiguru chicho kitakatifu; kandi kuduuka mu Litembeli liilio, umwa omenya.

⁴ O, Nyasaye; maku ndanzia ku vwali vuvwo, O, Nyasaye; ivi oveeye uvutangiliru vwu vuyanzi vwange. Ndakuba uvukana vwange nukwimba zinyimbu ziukwizominya ivi, O, Yahova, Nyasaye wange.

⁵ Kigira ki mbereraa ligali? Kigira ki ngubizwa kivi? Inzi ndasuuvira mu Nyasaye kandi ndamwizominya, muhonyi wange kandi Nyasaye wange.