Zaburi 41 - KITABU KITAKATIFU

Lisaala liu mundu mulwaye kandi oveeye mu kesoma

¹ Aveeye nuvugasu uyu ohenderaa avadaka mwoyo; Yahova alamukonyia lwaveeye mu vudinyu.

² Yahova alamukinga kandi alalinda livamwoyo lilie, alamugasiza alamuha uvuyanzi mu kivala chiche. Sialamuleka agwi mu zinguru zia vasigu veve mba.

³ Yahova alamukonya lwaveeye mulwaye, kandi alahonyia uvulwaye vwivwe vwosi.

⁴ Ndavoora, “O, Yahova, mali kukwonera, ombere zimbavasi, na ombonyie.”

⁵ Avasigu vange vavoola ivindu vidamanu ku inzi. Venya nguzi kandi nzivililwi ligali!

⁶ Oyo uzaa kondola, siaveeye umusuuvirifu mba. Avungiza makuva madamanu kigira inzi maku atulaa ichova nukugalandiza havundu hoosi.

⁷ Yavo vosi avandunyira vamonyanaa aveene kigira inzi, vaang'anaganiraa madamanu kusaliriza

⁸ vavoola, “Avuyiki, sialahona kandi mba.”

⁹ Kali mulina wange mulahi ligali, uyu wandasuuvira kuvita vosi, uyu usangaa chukulia ninzi, umali kungirung'ana ugingi iliichi lilie ku inzi.

¹⁰ O, Yahova, ombere zimbavasi, kandi ombonyie kunangwa nduuki kuvaanza kisaalia ku vasigu vange.

¹¹ Nandio ndamanya ndi ivi uyanziziywi na inzi, nikivuni ndi, avasigu vange vavuli kunguuta.

¹² Ivi ulangonya kigira ngolaa agaveeye malungi; ulambiika mbe imbiri woovo mihiga ni mihiga.

¹³ Yahova yizominywi, Nyasaye wa Isiraeli, yizominywi kalunu kuduuka mihiga ni mihiga Amini! Amini!