Zaburi 4 - KITABU KITAKATIFU

Lisaala lia hamugorova kwenya ovokonyi

¹ Undivuliri lwa saala, O, Nyasaye, mukingi wange! Lwa ndaali mu kivi, ivi wangonya. Omberere kalunu na uhuliri lisaala liange.

² O, munyi avandu, mulagirung'anyia uvukumi vwange kuva zisoni kuduuka ng'inga ki? Mulayaanza ivitaveeye novokonyi nukwenya iviuvugadi kuduuka ng'inga ki.

³ Mwizurizi kumanya ndi Yahova umali kotovola avalungi kuva vandu veeve mwene. Yahova ahulira lwa musaala kazozo.

⁴ Mutaleki uvutima vwinyu vumwimiliri kokora uvwoni mba; muganagane vudinyu ligali ku makuva yaga, lwa mugonaa machiriri mu vitanda vienyu.

⁵ Muhaane vihaanwa vilungi ku Yahova na muviiki lisuuvira lienyu muye.

⁶ Vaveeye ho vandu vanyingi avasaalaa: “Okohe uvugasu vunyingi, O, Yahova okohenze nuvulahi vweng'ine vuzwa!”

⁷ Navuzwa uvusangari vwa ivi umali kumba vuviti ligali vwa yavo valiva navwo kali nivaveeye niinganu kandi niwaini.

⁸ Lwa ng'onaa hasi, nyooraa zindoolo mu mirembe; Ive weng'ine, O, Yahova ombezaa likingwa lilahi.