Zaburi 34 - KITABU KITAKATIFU

Lihaana lizominya ku vulahi vwa Nyasaye

¹ Inzi ndasandiza ku Yahova vuli kazozo, si ndalekera kumwizominya mba.

² Ndamwizominya ku goosi agaamali kongolera, vosi avadambizwa vahuliri kandi vasangale!

³ O, mulandizi harara ninzi, ovonene vwa Yahova. Kwizominye lieta lilie harara!

⁴ Inzi ndasaara ku Yahova, naye yandivulira; yaamboholola kutura mu uvuti vwange vwosi.

⁵ Avadambi vasuuvira mu Yahova, kandi vaveezaa nuvusangali.

⁶ Sivaveezaa mu zisoni mba. Mundu mudaka yaniraa ku Yahova, na Yahova ahulira, kandi amuhonyia mu vudinyu vwivwe vwosi.

⁷ Engelosi va Yahova asolaa yavo avamutizaa, kandi avahonyia ku vasigu vaavo vosi.

⁸ Mwenyelerizi uvulahi vwa Yahova, kandi vaveeye nuvugasu avanyoora ovohonyi muye.

⁹ Muyi avandu va Nyasaye, mutie kigira yavo avamuhulira, sivagehera kindu kali hakuzu mba.

¹⁰ Kali avasigu va Nyasaye vavezaa ninzara kuli zisimba zisoleri ziveezaa ninzara, navuzwa, yavo avasuuviraa mu Yahova sivaladaka kindu kilahi kali kilala mba.

¹¹ Hambi munyi vana vange, mumbulirize, na nda mwigizaa kuhaana luyali ku Yahova.

¹² Ni mundu ki ukayirangwa kuva ni livamwoyo? Kandi ukayirangwa komenya amadiku manyingi aduuki kuyaanzizwa ni vindu vilahi?

¹³ Gamuduukira yigaye ku vudamanu zing'ano ziosi, kandi munwa gwigwe gutavoola uvugadi mba.

¹⁴ Aleke ku vudamanu na okole uvulahi, wenye mirembe nu mwoyo gugwo na ujilonde.

¹⁵ Yahova ahenzaa ku valungi veve, kandi ahuliraa lianira liavo,

¹⁶ navuzwa ahingiraa yavo avakolaa uvudamanu, kandi nukuvatuliza ku kivala nukwivilirwa ligali.

¹⁷ Lwa avalungi vanira ovokonyi, Yahova ahuliraa lianira liavo, kandi avahonyia ku vudinyu vwavo vwosi.

¹⁸ Yahova aveeye ahimbi ni yavo avi mioyo jaavo jiveeye midedekere, kandi ahonyiaa yavo avamali kogotiza lisuuvirizwa liavo liosi.

¹⁹ Avandu valungi vaveeye nu vusaliri vunyingi vwu vudinyu vwavo, navuzwa Yahova avahonyia kuvudinyu yivo vwosi.

²⁰ Yahova alindaa vigumba vie miviri jaavo, na sikeveeye ho kali kilala kuvio kinyala kusalira mba.

²¹ Uvudamanu vwitaa vachamu yavo avadunyiraa avalungi, valahevwa amageri.

²² Yahova ahonyiaa livamwoyo lia avasuuvirifu veve; vosi avivisanga muye, valahonywa.