Zaburi 31 - KITABU KITAKATIFU

Lisaala liu kusuuvira mu Nyasaye

¹ O, Yahova, nzirukiraa ku ivi osoore, utaandeka nduuki kuguutwa, Ivi Nyasaye mulungi; ngusaala, ombonyie!

² Umbulirizi! Ombonyie kalunu! Ove uvuhaliru vwange na osoore, kandi imbinga indinyu yokombonyia.

³ Ivi oveeye lwanda lwange kandi imbinga yange; ku kigira lieta liilio, unzimiliri kandi unindi.

⁴ Undulize mu mutego gwa vamali kutegera inzi makikiri, kigira ivi oveeye uvuhaliru vwange.

⁵ Inzi mbikaa livamwoyo liange mu makono googo O, Yahova; Ivi ulambonyia, ivi oveeye Nyasaye musuuvirifu.

⁶ O, Yahova Ivi uvihiliraa yavo avasigamiraa avanyasaye vatali viligali navuzwa inzi suuviraa mu ivi.

⁷ Ndayaanza nukusangara kigira uvuyanzi vuvwo vutahera mba, ivi ololaa uvusaaliri vwange ivi umanya vudinyu vwange.

⁸ Ivi sioleki avasigu vange vaang'umiri; umali kumba ovovoholore hoosi ahumwoyo gwange gulalira.

⁹ O, Yahova, omberere, kigira mbeeye mu vudinyu zimoni ziange ziiluhi kuturana ni lilira linyingi; kandi nduhi ligali mu muviri kandi mumwoyo gwange.

¹⁰ Ovovereri vumaliiyi zinguru zie livamwoyo liange liosi kandi lisioma limbihiizi livamwoyo liange. Mbeeye mudedekere kuturana nu vudinyu vwange vwosi, kali vigumba viange viumi.

¹¹ Avasigu vange vosi. Mbitilira avatende vange vaandegeriza ligali kuvita. Yavo avamanya inzi. Vaanzirukaa, lwa vandora kunzira.

¹² Vuli mundu amali kunzivilira kuli uwakuza, mbeeye vuzwa kuli inyingu yadikani vijonjo.

¹³ Mbulira avasigu vanyingi nivamonyana; uvutihizi vungumbirizi zimbega ziosi. Valohiza kunzita mu vwivisu.

¹⁴ O, Yahova, navuzwa inzi suuviraa ivi; oveeye Nyasaye wange.

¹⁵ Inzi mbeeye mu vulindi vuvwo kazozo, ombonyie kutura ku vasigu vange kandi ombonyie kutura ku yavo avandambizaa.

¹⁶ Ohenze mutumikiri woovo neemoni yi zimbavasi, Ombonyie kigira zimbavasi ziuvuyanzi vuvwo vonene.

¹⁷ O, Yahova, utaandeka muzisoni mba, kigira nzanira ku ivi. Navuzwa leka avachamu vanyoore esoni. Leka viiki machiriri mu vilindwa.

¹⁸ Kiringanyia avagaadi yavo! Avandu vaveeye nilielora kandi niliegingira, avamolomaa ni lilegeriza ku valungi.

¹⁹ Vindu vilahi via uvikiraa yavo avakoheezaa luyali viveeye viokogenyia. Avandi vosi vamanya ndi ivi oveeye mulahi ligali kandi ukingaa yavo avakusuuviraa.

²⁰ Ivi uvavisaa havundu hi mirembe imbiri woovo, aha ivi mwene oveeye; ihale kutura ku vandu valohiza kuvakolera uvudamanu mu vwivisu. Uvavisaa mu mirembe, kutura ku manyego gavasigu vaavo.

²¹ Yahova yizominywe! Lwa ndaakumbirizwa nu kwingilirwa kuli lidaala linene lingilirangwa, yamanyia uvuyanzi vwivwe vwokogenyia uvutali ne keheri.

²² Ndaatia ligali kandi niing'anaganyia ndi amali kungunga nduli imbiri weve. Navuzwa Yahova yahulira lilira liange, lwa ndanira kuye aduuki kongonya.

²³ Muyanze Yahova, munyi avatakatifu mwosi; Yahova akingaa avasuuvirifu veve, navuzwa ahaanaa amageri ku yavo avigingiri kuli gavadukiraa.

²⁴ Munyi mwosi avalindiliraa nilisuvira mu Yahova, muve avaluviriri kandi avagulu.