Zaburi 3 - KITABU KITAKATIFU

Lisaala lia mugamba liukwenya ovokonyi

¹ O, Yahova henza kuli avasigu vange vaveeye avanyingi. Vaveeye vanyingi ligali avanzingiliraa!

² Vamoloma amakuva ku inzi nivavoora; “Nyasaye sialamukonya mba.”

³ Navuzwa ivi O, Yahova Nyasaye, oveeye mukingi wange kutura mu vuhimwa. Nyora luyali kandi uvuguuti kutura ku ive.

⁴ Nzanira ku Yahova kigira ovokonyi kandi yandivuliraa kutura ku kiguru chiche kitakatifu.

⁵ Ng'onaa hasi ma zindoolo ziza; na Yahova Nyasaye yasoolaa uvudiku vwosi.

⁶ Simbeeye nuvuti ukutia zielefu zia vasigu mba; avangumbirizaa zimbega ziosi.

⁷ Hamba O, Yahova! Ombonyie, O, Nyasaye wange! Haana mageri ku vasigu vange vosi na uvaleke vugira zinguru ziu kusaliriza.

⁸ Ovohonyi vuturaa ku Yahova; Kandi agasizanga avandu veve.