Zaburi 29 - KITABU KITAKATIFU

Mwoyo gwa Yahova mu Kiihi

¹ Mwizominye Yahova munyi vilombe viu mwigulu, mwizominye ku vukumi vwivwe ni zinguru zizie.

² Mwizominye lieta lia Yahova liu vukumi, musigamire uyu umutakatifu lwa alolekaa.

³ Mwoyo gwa Yahova guhulilikira ku zinyanza, Nyasaye wu vukumi yaatululukiza zinguba, na mwoyo gwigwe gulangiliraa ku zinyanza.

⁴ Mwoyo gwa Yahova goveeye ni zinguru, kandi gwizuye uvukumi ovonene ligali.

⁵ Mwoyo gwa Yahova guvunanyiaa midaragwa, kali midaragwa jia Lebanoni.

⁶ Yahova akolaa vigulu via Lebanoni kutumagira kuli vimoli, kandi akolaa kiguru cha Herimoni kutumagira kuli igiriki esoleri.

⁷ Mwoyo gwa Yahova gohemahemaa kuli olomemo lwu muliru.

⁸ Mwoyo gwigwe gokolaa changalangwe kedegeraa, adegerizaa changarangwi cha Kadeshi.

⁹ Mwoyo gwa Yahova godegerizaa misaala midinyu kandi guhalulaa amatu gi misaala mu militu. Na vuli mundu mu Litembeli yiimbanga nu kuhanzuka.

¹⁰ Yahova yamiha ku mazi gululiva, yamiha kuli mwami mihiga ni mihiga.

¹¹ Yahova ahaanaa zinguru ku vandu veve, kandi avagasizaa ni mirembe.