Zaburi 27 - KITABU KITAKATIFU

Lisaala liu kwizominya Nyasaye

¹ Yahova aveeye uvulavu vwange kandi ovohonyi vwange. Na sinyala kutia mundu woosi mba. Yahova aveeye imbinga yange, sinyala kutia mba.

² Lwa vandu vadamanu vanzingilira nokogeriza kunzita, vikigitara nukugwa.

³ Kali niiva iliihi liosi lilangumberiza, si ndatia mba, kandi avasigu vange nivanzingilira; ndazizagilira kusuuvira Nyasaye.

⁴ Mali koteeva Yahova kindu kilala! Nyenya vuzwa kindu kilala cheng'ine: Nduuki “Komenya mu Litembeli lilie, nindora uvulahi vwivwe, nukumusaala yaanzimiliri.”

⁵ Mu ing'inga yi kivi alakinga inzi. Yahova alambiika vulahi mu litembeli lilie. Nokongola singiri vudinyu igulu kulwanda.

⁶ Kunangwa, ndaguuta avasigu vange avamali kungumberiza. Ndahaana visiuviliru ku Yahova mu Litembeli lilie ni zinyimbu ziuvusangali. Ndimba lwimbu lwu kwizominya Yahova.

⁷ O, Yahova, yaanza uhulire lianira liange; ombere zimbavasi ma undivuliri.

⁸ Lwa ivi wavoola, “Hamba usigamire,” Ndaativura, O, Yahova, “Ndaaza.”

⁹ O, Nyasaye, muhonyi wange utiivisa kutura ku inzi mba. Kandi utava nu vutima niinzi; utisigana mutumikiri woovo. Ivi oveeye mukonyi wange, utaandeka mba, utaang''ra mba.

¹⁰ Kali niiva baba wange na mama wange valasura, navuzwa ivi, O, Yahova, ulaniinda.

¹¹ O, Yahova, unzigize kokora aga wenyaa ngole, kandi unzimiliri kunzira yimirembe, kigira mbeeye na vasigu vanyingi.

¹² Utaandeka mu vasigu vange mba, avanzingiliraa na makuva gu vugadi kandi ni lidegeriza.

¹³ Inzi mbeeye ni lisuuvira ndi, ndakalole vulahi vwa Yahova, vaveeye mwoyo lwa ngikiri mwoyo.

¹⁴ Usuuviri mu Yahova, ove ni lisuuvira na utakuza mwoyo mba usuuviri mu Yahova.