Zaburi 24 - KITABU KITAKATIFU

Yahova aveeye Mwami wu vukumi

¹ Lirova harara na viosi viveeye mulio viveeye via Yahova; kivala harara na vandu vosi avamenyi mu viveeye via Yahova.

² Nyasaye yaliumbaka mu luliva lwa mazi isi wi lirova. Yasingiriza mise jalio musi mwi inyanza.

³ Nivwaha ulianigira ku kiguru cha Yahova? Nivwaha ulingira mu Litembeli lilie Litakatifu?

⁴ Ni yavo avaveeye nivikolwa vilahi kandi ni mioyo mitakatifu, kandi yavo avatasigamiraa vifananyi kinga yavo avatiisuuhaa kuvugadi.

⁵ Yahova alavagasiza kandi alavahonyia. Nyasaye alavavaliza kuva vugira imbara.

⁶ Yava nivo avandu venyelerizaa Nyasaye, avaazaa imbiri wa Nyasaye wa Isiraeli.

⁷ Mwigule virivwa vialame ligali. Mwigule viliango via kale, na umwami wovukumi aduuki kwingira.

⁸ Mwami wovukumi uyu nivwaha? Aveeye Yahova, wizingulu kandi wuvunyali, ni Yahova oveeye muguuti mu vulwani.

⁹ Mwigule virivwa vienyu, vialame ligali mwigule viliango via kale na mwami wovukumi aduuki kwingira.

¹⁰ Mwami wu vukumi uyu nivwaha? Ni Yahova oveeye muguuti mu vulwani— aveeye mwami munene ligali.