Zaburi 15 - KITABU KITAKATIFU

Aga Nyasaye yenya

¹ O, Yahova, nivwaha alingira mu Litembeli liilio? Nivwaha alasigamira ku Ziyoni kiguru chicho kitakatifu?

² Uyu ugendaa mu vuduukiru vwa Nyasaye kandi okolaa agaveeye malungi ni uyu ovola agiligali kutura mu mwoyo gwigwe;

³ ni uyu utaveeye na makuva gu kovehera avandi mba. Kandi siakoleraa avalina veve uvudamanu mba, anoho siavolaa makuva gu vugadi ku vatende veve mba.

⁴ Mundu achaya avandu va Nyasaye amali kusuura, navuzwa ahaanaa uluyali ku yavo avatizaa Yahova, uyu akola goosi agaamali kulaga ndi alakola. Kandi sialagirung'ana mba.

⁵ Mundu uyu si avuguraa viambeti ku mabesa geege mba, kandi siavugula ivikukula akole uvudamanu ku avataveeye nimbala mba. Mundu woosi okola yaga sialadengeyizwa mihiga ni mihiga mba.