Zaburi 148 - KITABU KITAKATIFU

Vilombe viosi vizominye Nyasaye

¹ Mwizominye Yahova! Mwizominye Yahova kutura mwigulu, munyi avamenyaa igulu ligali kuvita.

² Mumwizominye Yahova, munyi zingelosi veve vosi, kandi munyi amahi geege goosi gu mwigulu.

³ Mwizominye Yahova munyi liuva nu mweli; mumwizominye munyi zing'ereng'ani zing'ereng'ana.

⁴ Mumwizominye munyi ligulu liveeye igulu ligali kuvita, kandi munyi amazi agaveeye igulu wi ligulu.

⁵ Leka viosi vizominye lieta lia Yahova! Yalaga navio vialombeka.

⁶ Ku lilaga lilie yavisingiriza vudinyu mu vogono vwavio mihiga ni mihiga. Lilaga yili silinyala kuvunwa mba.

⁷ Mwizominye Yahova kutura mu lirova, munyi miyoka minene ju muzinyaanza kandi jumululiva.

⁸ Mwizominye munyi zimbeni niimbura ya magina, likonza na malesi; kandi zimbuza zie zinguru izihulira lilaga lilie.

⁹ Mumwizominye munyi tugulu nivigulu, misaala ja makuyu kandi militu;

¹⁰ zinyama ziosi ziatugwa kandi ziu mbulimu, zimolaa kandi amanyonyi.

¹¹ Mumwizominye munyi avami na avandu vosi; aviimiliri na vaamiihi vosi mu lirova.

¹² Avakaana na vayaayi vasoleri, avasaakulu kandi navana harara.

¹³ Leka vosi vizominye Yahova! Lieta lilie liveeye linene kuvita gandi goosi; uvukumi vwivwe voveeye igulu wi lirova ni ligulu.

¹⁴ Amali kuha ihiiri yeeye zinguru, kunangwa avandu veve vosi vatakatifu vaduuki kumwizominya Avandu va Isiraeli vaveeye avayaanze ligali kuye. Mwizominye Yahova!