Zaburi 146 - KITABU KITAKATIFU

Lizominywa ku Nyasaye oveeye muhonyi

¹ Mwizominye Yahova! Wizominye Yahova, O, mwoyo gwange!

² Ndizominya Yahova mu livamwoyo liange liosi; ndimbira Nyasaye wange zinyimbu mu limenya liange liosi.

³ Mutaviika lisuuvira lienyu mu avanene vilirova, avandu vuzwa sivanyala kumuhonyia mba.

⁴ Lwa vakuza viranaa vuzwa ku luguchi; ku lidiku yilio lilohiza lie zing'anagani ziavo liheraa.

⁵ Aveeye nuvugasu umundu wa Nyasaye wa Yakobo akoonyaa, kandi weleedaa ku Yahova Nyasaye wavo,

⁶ walomba ligulu, lirova kandi inyanza na viosi iviveeye mu. Adukizaa lisuuviriza lilie kazozo;

⁷ Ahaanaa likalaga liu vulungi ku avadambizwa; kandi ahaanaa chukulia ku avinzara. Yahova avohololaa avahambe,

⁸ kandi ahaanaa lilola ku vavoku. Adigululaa yavo avamali kugwa; kandi ayaanza avandu veve valungi.

⁹ Akingaa avageni vamenya mu kivala chietu; akoonyaa avakunzakali navavisandu, navuzwa ahilaa avachamu kuduuka mu lidivizwa liavo.

¹⁰ Yahova aveeye mwami mihiga ni mihiga. O, avandu va Ziyoni, Nyasaye winyu alamiiha ku zing'inga ziosi. Mwizominye Yahova.