Zaburi 142 - KITABU KITAKATIFU

Lisaala kigira ovokonyi

¹ Nzanira ku Yahova yangonye. Mugoonyaa nu mwoyo gwange gwosi.

² Mbikaa lielilira liange liosi kuye, kandi muvooleraa vudinyu vwange vwosi.

³ Lwa inzi mbeeye ahimbi kukuza umwoyo, ivi umanya cha ndukanaa ngole. Avasigu vange vavisi mitego mu zinzira ziange ziangendaa mu.

⁴ Lwa mbenzaa ku lovega lwu mukono gwange mulungi, si ndolaa mundu unyala kongonya. Sihaveeye nu mundu unyala kosoola, kandi sihaveeye ho nu mundu unyala kuniinda mba.

⁵ O, Yahova, inzi nzanira ku ivi ongonye, ivi oveeye mukingi wange, ivi niyie weng'ine wanyenyaa mu limenya liange.

⁶ Huliriza ku lianira liange liukwenya ovokonyi, zinguru ziange zimali kogeeha ligali; Ombonyie kutura ku vasigu vange, vaveeye ni zinguru ligali kuvita inzi.

⁷ Omboholore kutura muvuhambe; maku ndahaana lizominya ku ivi mu livugana lia avandu vovo valungi, kigira uvulahi vuvwo ku inzi.