Zaburi 138 - KITABU KITAKATIFU

Lisaala liukuhaana Lisandiza

¹ O, Yahova, ngusandizaa, nu mwoyo gwange gwosi. Nyimbaa liizominywa ku ivi imbiri wa vanyasaye vosi.

² Sigamaa niimbenzi Litembeli liilio litakatifu, kandi nzizominya lieta liilio kigira uvuyanzi vuvwo vutali nekeheri kandi uvusuuvirifu vuvwo, kigira umali kumanyia ndi lieta liilio kandi malago googo viveeye vinene ligali igulu wa viosi.

³ Lwa ndaanira ku ivi, waandivulira; ivi umali komeeda inzi zinguru.

⁴ O, Yahova, avami vosi ku lirova valizominya ivi, kigira vamali kuhulira lisuuviriza liilio.

⁵ O, Valimba lizominywa lie vikolwa vivio, kandi kigira uvukumi vuvwo voveeye vonene ligali.

⁶ Kali noveeye igulu ligali, odendaa avadedekere. Navuzwa avigingiri sivanyala kwivisa kutura ku ivi mba.

⁷ Lwa ngumbirizangwa nikivi, ivi unindaa nukukinga inzi. Ivi uhingiraa avasigu vange vuvutima vululu; kandi ombonyia ni zinguru zizio zinene.

⁸ Ivi ulakola vindu viosi via umali kusuuviriza; O, Yahova, uvuyanzi vuvwo. Vuhindiraa mihiga ni mihiga. Maliriza miyinzi ja umali kutanga kokora.