Zaburi 137 - KITABU KITAKATIFU

Lisioma lia vandu va Isiraeli mu liadikizwa

¹ Kwikala hasi ku lujinga lwi migera ja Babiloni, hene yaho kwasioma lwa kwizuliza lidivizwa lia Ziyoni.

² Kwasunga uvukana vwitu ku misaala ji kivala yicho.

³ Yavo avakugumila vakovolera kwimbi; kandi kuvasangalize nizinyimbu nivavoora, “Mukwimbiri lwimbu lulala kigira Ziyoni.”

⁴ Kunyala ndi kwimbira Yahova lwimbu mu kivala chovogeni?

⁵ O, Jerusalemi, niiva ndakwivilira, Leka mukono gwange mulungi gong'ere! Mburi kandi kukuba uvukana.

⁶ Niimba niimbura kwizuliza ivi; leka lulimi lwange luhande igulu wu munwa gwange mburi kwimba kandi, niimba niimbura kuganagana ku makuva googo kuli gaveeye uvusangari vwange vonene ligali kuvita.

⁷ O, Yahova, wizulizi aga vandu va Edomu vaakora ku lidiku lia Jerusalemi liagumirwa. Wizulizi kuli vavoola, “Mu livululi lidaala linene lia Jerusalemi yilio! Muyavugululi kali mise jalio!”

⁸ Munyi avandu va Babiloni, muladivizwa ligali. Aveeye nuvugasu mundu uvanzira kunyi kisaalia ku munyi kigira aga mumali kokokolera.

⁹ Yahova agaasizi samulala uvugura avana vinyu vadoto, nukuvaduvulanyira ku lwanda.