Zaburi 131 - KITABU KITAKATIFU

Lisaala lie liegehiza mu lisuuvira

¹ O, Yahova, inzi mali koleka luyaayi lwange, kandi mali kugirung'ana kutura ku liegingira liange. Inzi sinziyingirizaa mu makuva manene mba, anoho vindu viveeye vidinyu ligali ku inzi mba.

² Mu vogono yivwo inzi mwene nzituliiyi kandi mbeeye mu mirembe. Kuli mwana agonaa makiriri ku magulu ga mama weve, nindio mwoyo gwange gwelemelizi mu inzi.

³ O, munyi avandu va Isiraeli, musuuviri mu Yahova; kutura kalunu kandi kuduuka mihiga ni mihiga.