Zaburi 129 - KITABU KITAKATIFU

Lisaala kuhingira avasigu va Isiraeli

¹ Sa mulala ku vandu vi ihiiri ya Isiraeli avoole: “Avasigu vange vangubiza kivi ligali kutura mu vwana vwange!

² “Kutura mu vuyaayi vwange avasigu vange vamali kuundambiza vululu ligali; navuzwa sivanyalizi kunguuta mba.

³ Vasalirizi mugongo gwange gufani kuli mulimi gulimiywi.

⁴ Navuzwa Yahova, oveeye mulungi ligali, umali komboholola kutura mu minyororo juvutugwa vwa vachamu.”

⁵ Leka sa mulala udunyiraa Ziyoni, avikwi mu zisoni zie liguutwa nukwiranywa inyima.

⁶ Leka vosi vave kuli uvunyasi vomera igulu ku visegese vie zinyumba, uvunialaa vuzwa ni vukikiri kuviruka;

⁷ Mugesi sianyala kovotema, anoho kovovoha mu vinywa mba.

⁸ Siali ho nu mulala uvitaa ahimbi uvoora, “Yahova amugasize! Kumugasiza mu lieta lia Yahova.”