Zaburi 128 - KITABU KITAKATIFU

Amadanyi gu kuhulira Yahova

¹ Aveeye nuvugasu uyu utizaa Yahova, kandi ogendaa mu zinzira zizie.

² Ulalia makuyu go logeli lulwo, ulasangala nokonyoora uvugasu.

³ Mukali woovo alava kuli muzabibu gwamaa ligali munyumba yooyo, na avana vovo valava kuli misaala midoto ja muzeituni ukukumbiriza emesa yooyo.

⁴ Mundu utizaa Yahova, alagasizwa ligali kuli ndio.

⁵ Yahova akugasize kutura Ziyoni! Na olole Jerusalemi niligasizwa; madiku goosi gi limenya liilio.

⁶ Ove mwoyo kali olole aviisukulu vovo! Mirembe jive ku Jerusalemi.