Zaburi 122 - KITABU KITAKATIFU

Lizominya Jerusalemi

¹ Ndaali nuvusangali lwa vambolera, “Gendi kuzie mu Litembeli lia Yahova!”

² Kalunu koveeye hano, kusingiyi mu virivwa vivio, O, Jerusalemi!

³ Jerusalemi liumbakwa kuli lidaala, liahambanywa harara kwagana harara muvuhambani.

⁴ Yimu nimwo mwi zihiiri zia Isiraeli ziza, ukuhaana lisandiza ku Yahova kolondekana na malago geege.

⁵ Nimwo mwa vami va Isiraeli viikara kukalagira avandu vaavo.

⁶ Musaale Nyasaye aduuki kuhaana mirembe ku Jerusalemi, “Leka yavo vosi avayaanzaa ivi vagasizwe.

⁷ Leka mirembe jive musi mwa madigi ginyu, Kandi likingwa mu zinyumba zienyu ziu vwami.”

⁸ Kigira aviiko navalina vange, mboraa ku vandu va Jerusalemi, “Mirembe jive harara ni munyi.”

⁹ Kigira Nyanza Litembeli lia Yahova oveeye Nyasaye wiitu, musaviraa uvugasu.