Zaburi 121 - KITABU KITAKATIFU

Yahova mukingi wiitu

¹ Mbenzaa ku vigulu; ovokonyi vwange vulatula haliha?

² Ovokonyi vwange vuturaa ku Yahova, walomba ligulu nilirova.

³ Sialaleka ugwi mu kivi mba. Mukingi woovo sialagona zindoolo mba.

⁴ Mukingi wa Isiraeli siatengezaa, anoho kogona zindoolo mba.

⁵ Yahova alakulinda; aveeye ku lovega lulwo lulungi kukukinga.

⁶ Liuva sililakusaliriza ing'inga yu mbasu mba, anoho mweli ing'inga yu vudiku.

⁷ Yahova alakukinga kutura ku vuhimwa vwosi. Kandi alakulinda ove nimirembe.

⁸ Alakukinga lwa uturaa ichova kandi lwa wingiraa, kalunu kandi mihiga ni mihiga.