Zaburi 120 - KITABU KITAKATIFU

Lisaala liukwenya ovokonyi

¹ Lwa ndaali mu kivi, ndanira ku Yahova, naye yandivulira.

² O, Yahova, ombonyie kutura ku avavehi navagaadi.

³ Munyi avavehi, Nyasaye alakola ki ku munyi? Alamuha amageri kuli ndi?

⁴ Alamuha mageri mulimulasa im'mbano ju vuta imiuge, kandi na manda gumuliru gumusala gwi kilaha!

⁵ Komenya hagati hinyu koveeye vudamanu ligali kuli komenya mu Mesheki anoho komenya hagati havandu va Kedari.

⁶ Mali komenya navandu vadunyiraa mirembe ku ing'inga indambi ligali.

⁷ Lwa inzi mboraa nyenya mirembe, yavo venya uvulwani.