Zaburi 114 - KITABU KITAKATIFU

Lwimbu lwi Lipasaka

¹ Lwa vandu va Isiraeli vaatura Egebeti, lwa kisukururwi cha Yakobo vaatura mu kivala chovogeni yicho,

² Yahova yakola ihiiri ya Yuda kuva avandu vatakatifu veve Isiraeli vaagwa miandu jije.

³ Inyanza Nzakanyu yahenza ma niikama, Mugera gwa Jorodani gwa vula kuvita.

⁴ Vigulu viatumatuma kuli zimburi; utugulu twatumatuma kuli vimeme via magondi.

⁵ O, ivi Inyanza, ni kindiki chakokola wiruki? Na ivi, O, Jorodani, kigira ki noleka kuvita?

⁶ Munyi vigulu, kigira ki nimutumatuma kuli zimburi? Munyi utugulu, kigira ki nimutumatuma yiyi ni yiyi kuli vimeme?

⁷ Odegere O, ivi lirova, ku liza lia Yahova, odegere imbiri wa Nyasaye wa Yakobo,

⁸ ugirung'anyia zinyanda kugwa madavalia ga mazi, kandi ugirung'anyia magina madinyu ligali kugwa visenukiru via mazi.