Zaburi 113 - KITABU KITAKATIFU

Lizominya Yahova kigira Vulahi Vwivwe

¹ Mwizominyi Yahova! Munyi avatumikiri veve, mwizominyi lieta lilie!

² Lieta lilie lizominywi, lero kuduuka mihiga ni mihiga.

³ Mwizominyi lieta lia Yahova, kutura Ivugwi kuduuka Imadioli.

⁴ Yahova yamiha ku zihiiri ziosi; uvukumi vwivwe voveeye igulu vwi wiligulu.

⁵ Si haali numulala kuli Yahova Nyasaye wiitu. Amenyaa igulu mwigulu,

⁶ navuzwa yinamaa hasi kohenza aduuki kolola ligulu ni lirova.

⁷ Avukizaa mudaka kutura mu luguchi, kandi agingaa igulu mudambi kutura mu vudedekere vwivwe

⁸ kandi amwikalizaa harara na vana va vami, kandi harara na vanene vavandu veve.

⁹ Aheezaa mukali mugumba uluyali hango hehe. Amukolaa asangale ku linyola avana; Mwizominye Yahova.