Zaburi 112 - KITABU KITAKATIFU

Uvusangari vwu mundu mulahi

¹ Mwizominyi Yahova! Aveeye nuvugasu mundu uhuliraa Yahova, asangalira ligali mu lihulira malago geege.

² Avana veve valava ni zinguru mu kivala. Visukululwi vivie valagasizwa.

³ Avinyumba yeeye valava avahinda kandi avatugi; kandi alava nilimedeka lie miandu mihiga ni mihiga.

⁴ Uvulavu vwakiraa avandu valahi mu kisundi; ku yava avaveeye nilivererera, avalahi kandi ni likalaga lirungi.

⁵ Aveeye nuvugasu mundu uyu oveeye muhaani kandi wegobizaa kevete vugira kwenya viambeti. Okolaa miyinzi jije nu vusuuvirifu.

⁶ Mundu mulungi sialiguutwa kali hakuzu mba; aliizulizwa mihiga ni mihiga.

⁷ Siaveeye nuvuti konyoora amakuva madamanu mba; Lisuuvira lilie liveeye liezingulu kandi asuviraa mu Yahova.

⁸ Siahendaa mwoyo anoho kutia mba, amanyia ligali alalola avasigu veve nivaguutwa.

⁹ Ahaanaa nuvuhaani vwosi ku avadaka, uvulungi vwivwe vuhindiraa mihiga ni mihiga. Alava ni zinguru kandi nuluyali lonene.

¹⁰ Mundu mudamanu alolaa yaga ma avihilirwa ligali; alumanyia amiinu kumanyia livihirirwa linene ma agota. Liegomba liu mundu mudamanu lilava hazwa.