Zaburi 11 - KITABU KITAKATIFU

Lisuuvirizwa mu Yahova

¹ Inzi nzirukiraa mu Yahova kazozo, na gakaveeye ki munyi kombolera ndi, “Mbuluki kuli linyonyi nukuzia mu vigulu;

² kigira, henza, vachamu vetegekizi mivano ju vuta nukunyiira migoye vaduuki kulasa avalungi mu kisundi.

³ Avalungi valakola ki, niiva misingi jaavo jilononywa?”

⁴ Yahova aveeye mu Litembeli lilie Litakatifu, endeve yeeye yu vwami eveeye mwigulu. Ahenzaa avandu havundu hoosi nukumanya via vakora.

⁵ Yahova agerizaa avandu vosi avaveeye avalungi na avadamanu keleng'ani. Navuzwa adunyiraa yavo avaveeye avadamanu nu mwoyo gwigwe gwosi.

⁶ Yahova atumaa amanda gu muliru, ni kibiriti kisambaa ku vachamu vosi. Ahaanaa amageri kuvo ni kihuzuzi kisambaa.

⁷ Yahova aveeye mulungi, kandi ayaanza vikolwa viveeye viu vulungi; avaveeye avalungi, valamenya harara naye, mihiga ni mihiga.