Zaburi 101 - KITABU KITAKATIFU

Lisuuviriza liu Mwami

¹ Ndimba kigira vusuuvirifu kandi likalaga lirungi. Ku ivi, O, Yahova, ndimba

² Ndahenzeriza nokolonda kunzira itaveeye nimbala; ulaaza ku inzi ng'inga ki? Ndamenya munyumba yange nu mwoyo gutaveeye nimbala.

³ Sindavugilira uvudamanu ligali kuva imbiri wange kali hakuzu mba. Ndunyiraa vikolwa via yavo avagirung'ana okoleka Nyasaye; Sindahambana namakuva gaavo mba.

⁴ Ndeeleha ligali ku vandu vataveeye avasuuvirifu. Kandi sindava nilisanga na vandu vadamanu kali hakuzu mba.

⁵ Ndatuliza ho uyu uginaa mutende weve vudamanu muvwivisu; Sindikuzira ku mundu oveeye nuluyayi kandi mwigingiri mba.

⁶ Ndavugilira yavo avaveeye avasuuvirifu ku Nyasaye, kandi ndaleka vamenye munyumba yange yu vwami. Yavo avaveeye avasuuvirifu valandumikira.

⁷ Umimbehi sialamenya munyumba yange yu vwami mba; kandi umugadi sialava imbiri wange mba.

⁸ Ndadiviza avachamu vosi mu kivala chietu vuli lidiku. Ndakunga avandu vadamanu vosi vatuli mu lidaala linene lia Yahova.