Tsing'ano 9 - KITABU KITAKATIFU

Ovogeri nu Vusiru

¹ Mundu wo vogeri yumbaka inyumba yeeye, ma aviikaku zitiru saba.

² Yitaa inyama mazuganyamu mudarasini ni iwaini, ma aviikaa komesa kolomba lisavo lie lilia.

³ Umali kutuma vatumikiri veve vi kikali kuzia kulangilira vandu kutura hadiguluka mu madaala:

⁴ “Mundu woosi oveeye musiru yingiri hano!” Ku yavo avoosi utaveeye ni limanya yavoola,

⁵ “Muuzi, mulie chukulia change kandi munwi iwaini yamali kuzuganyamu mudarasini.

⁶ Muleke muganda gwa vandu avasiru, na mulamenya. Mulonde kunzira yilimanya.”

⁷ Niiva ulahaana mageri ku mundu oveeye ni lielora, alakonyega. Niiva ogondokera mundu mudamanu alakusaliriza.

⁸ Utagondokera mundu mwelori mba, alakuduunyila. Navuzwa nogondogera mundu oveeye nilimanya alakwegehizila.

⁹ Kindu choosi chovoolera mundu mugeri kilamulomba ave mugeri ligali. Choosi chovoolera mundu mulungi kimedaa kuye limanya.

¹⁰ Kutie Yahova nilitanga liovogeri. Niiva umanya oyo oveeye mutakatifu oveeye ni limanya.

¹¹ Ovogeri vulameeda mihiga kulivamwoyo liilio.

¹² Ivi niye onyoora uvukala niiva oveeye novogeri. Niiva mulasura ovogeri, ivi niye ulisalira.

¹³ Mukali musiru akubaa vuzwa liyoga kandi siaveeye ni zisoni mba.

¹⁴ Yikalaa hamuliango gwinyumba yeeye kandi yikalaa havundu haveeye igulu, mu lidaala

¹⁵ nukulangilira vandu vavitaa avaveeye kumiyinzi jaavo.

¹⁶ Avoora ku vandu vasiru “Mundu woosi oveeye musiru yingiri hano.

¹⁷ Mazi gamali kwivwa gaveeye manolu. Chukulia kimali kwivwa keeye kilahi ligali.”

¹⁸ Navuzwa vandu vahambanaa numukali oyu sivamanyi ndi vandu vazizaa munyumba yeeye vamala kukuza kandi vaveeye musi mwi kivala cha vakuzu mba.