Tsing'ano 3 - KITABU KITAKATIFU

Amigizu ku Vasoleri

¹ Mwana wange, utivilira miigizu gange mba. Ing'inga yoosi wizulizi agangovoolera okole.

² Amigizu gange galakokola uhindiri kandi ove ni limenya lie linyola linyingi.

³ Utaleka vohocha kandi vusuuvirifu mba. Uvivohe muligoti liilio kandi ugang'ode mu mwoyo gugwo.

⁴ Niiva ulakola yaga, ulayaanziza Nyasaye harara na vandu.

⁵ Usuuviri Yahova nu mwoyo gugwo gwosi. Utasuvira zing'anagani zizio mba.

⁶ Wizulizi Yahova mu vindu viosi viokolaa, kandi alakumanyia inzira inungi.

⁷ Utaganagana oveeye mugeri mba, utie Yahova kandi utakola uvudamanu mba.

⁸ Niiva ulakola ndio, lulava kuli ulunyasi lulahi olohonyia zingwagu kandi olososizaa uvuzunu vuvwo.

⁹ Uhaane luyali ku Yahova nu kumuhaanira kihanwa kilahi kutura kuviamo viosi viu mulimi gwugwo

¹⁰ Niiva ulakola ndio viage vivio vilizula vuswage kandi ulanyora iwaini inyingi.

¹¹ Mwana wange, lwa Yahova ahaanaa miigizu ku ivi ugahulirizi kandi ugavuguri gave kuli lieganihiza.

¹² Yahova ahaanaa mageri ku yavo avayaanzaa, kuli baba ahaanaa amageri ku mwana wayanza.

¹³ Aveeye nuvuyanzi mundu woosi onyoora ovogeri kandi limanyia.

¹⁴ Vukala vwalio voveeye vunyingi kuvita vukala vonyoolekaa mu ifeza, voveeye novokonyi kuivi kuvita izahabu.

¹⁵ Ovogeri voveeye nuvukara kuvita amagina guvuguli, sikeveeye ho kindu ichawegomba kinyala koleng'anywa navwo mba.

¹⁶ Ovogeri vuhaana lihindira linyingi kuli vutugi kandi luyali.

¹⁷ Ovogeri volomba limenya liilio kuva nuvuyanzi, kandi vukwimiliraa mu mirembe.

¹⁸ Yavo avanyoora ovogeri vaveeye nuvuyanzi, kigira ovogeri vulavaha livamwoyo.

¹⁹ Yahova yalomba lirova novogeri vwivwe. Mulimanyiriza lilie yaviikaho ligulu.

²⁰ Vogeri vwivwe vwakola migera nigigenda kandi malesi nigaleeta imbura ku kivala.

²¹ Mwana wange, udinyi kovogeri vuvwu kandi limanya liu musi utalileka mba.

²² Lilakuha livamwoyo lilahi kandi liu kuyaanziza.

²³ Ulagenda nimirembe kunzira yooyo kandi siulikigatara mba.

²⁴ Siulatia lwa uzia kogona mba, ulagona vulahi ligali mu vudiku vwosi.

²⁵ Si ulava ni lihenda mwoyo kigira ikivi kiiza vwangu mba, kuli kiihi kiiza ku vandu vachamu.

²⁶ Yahova alakukinga, sialakoleka ugwi mu mutego mba.

²⁷ Okonye yavo venya vokonyi lwa oveeye nu vunyali.

²⁸ Utavoolera mutende wowo alindi kuduuka mugamba niiva unyala kumukonya lwene yilwo mba.

²⁹ Utalohiza kindu choosi kinyala kusaliriza mutende woovo omenyi himbi nivi kandi wakusuuvira mba.

³⁰ Utahangalizana nu mundu woosi vugira kivuni, niiva siyakusalirizaa mba.

³¹ Utava ne mbodoka na vandu vikirage anoho kokora kuli yavo mba.

³² Kigira Yahova adunyiraa vandu vakora vudamanu. Navuzwa yayisuuviriza kigira valungi veve.

³³ Yahova kilaamo kuzinyumba zia vandu vakora vuchamu, navuzwa agasizaa zinyumba zia vandu vaveeye avalungi.

³⁴ Yahova achayaa vandu vaveeye ni lielola, navuzwa ayanziliraa yavo avegehizaa kuye.

³⁵ Avandu vageri valanyora ilizominywa liuluyali, navuzwa avasiru valanyora zisoni.