Tsing'ano 19 - KITABU KITAKATIFU

Nivulahi kuva mwikuziri

¹ Voveeye vulahi kuva mudaka, navuzwa ove musuuvirifu kuvita kuva mugadi musiru.

² Vugulu vugira limanya sivoveeye vulahi mba; kandi sivoveeye vulahi kudidikana ma ogote inzira mba.

³ Avandu valala vidivizaa nivikolwa viavo visiru maku vadula Yahova.

⁴ Avandu vatugi vanyola valina vahia kazozo, navuzwa vadaka sivanyala kuva harara na valina vakekeeke vavaveeye navo mba.

⁵ Niiva mundu alavoora vovehi mukiyaro, alanyoola mageri; sialahononoka mba.

⁶ Vuli mundu agerizaa kwiyaanziza ku vandu vi kivuni; vuli mundu yenya vulina na yavo vahaana vihaanwa.

⁷ Kali aviiko vu mundu mudaka sivaveeye no vokonyi naye mba; siliveeye lio kugenyia kigira avula valina mba. Kali agelize ndi, sianyola mulina ku lovega lwilwe mba.

⁸ Wekole mulahi, na uliga goosi gunyala; maku wizulizi gawigizwa kandi ulanenehizwa.

⁹ Avulaho mundu ovola vovehi mukiyaro ohononokaa kohevwa mageri; mundu uyu yadiva.

¹⁰ Avandu vasiru sivadukanaa komenya mu vutugi mba, kandi vatugwa sivadukanaa vamiihi vandu vinyumba yu vwamihi mba.

¹¹ Mundu naveeye novogeri, alagumira vutima vwivwe. Mundu na kogosera, ni vulahi kumusamiiha.

¹² Vutima vwu mwami voveeye kuli lifuuma lie isimba, navuzwa liyaanza lilie liveeye kuli liza lie imbura.

¹³ Mwana musiru aleteraa baba weve lidivizwa. Mukali murembani aveeye kuli mazi gatonyatonya do-do-do.

¹⁴ Umundu anyala kuvugura inyumba na mabese kutura ku vivuli veve, navuzwa Yahova alamuha mukali mugeri.

¹⁵ Unyala kuva mugata niiva wenyaa vugata; zizagilira kogona zindolo, navuzwa ulava ninzara.

¹⁶ Ulindi malago ga Nyasaye na ulahindira; niiva ulagaleka, ulakuza.

¹⁷ Mundu nahaana vindu vivie ku vadaka, gaveeye kuli kwegobiza Yahova, na Yahova alakwilanyira.

¹⁸ Uhaane amageri ku vana vovo nivakikiri vasoleri vaduuke kwiga; Niiva siulakola ndio, uvakonyaa kwidiviza.

¹⁹ Niiva mundu aveeye nu vutima vululu muleke anyoore agadukanaa naye. Niiva ulamutuliza mu vudinyu ing'inga indala, gadukanaa umukonye kandi.

²⁰ Niiva ulahuliriza miigizu ma ove ni lienya kwiga, lidiku lilala ulava mugeri.

²¹ Avandu vanyara kulohiza vindu viosi viavanyala, navuzwa lienya lia Yahova lizizaa kwekoleka.

²² Sivoveeye vulahi mundu kuva muhuvaali mba; vandu vadaka vaveeye vulahi kuvita vavehi.

²³ Utie Yahova na ulahindira, ulasosa kutura mu linyang'ana.

²⁴ Avandu valala vaveeye avagata ligali, kali sivanyala kuviika chukulia mu minwa jaavo mba.

²⁵ Mundu mwigingiri gamuduukira ahevwe mageri, kunangwa vandu vatamanyi kindu choosi kuduuka vigi. Niiva oveeye mugeri uliga lwa wigizwa.

²⁶ Mundu wi kirage kandi utaveeye nu vuyanzi, aladambiza baba weve anaho akungi mama weve kutura hango hehe.

²⁷ Mwana wange, lwa ulekelaa kwiga ulaleka vwangu aga umanyi.

²⁸ Sihaveeyeho ni likalaga lirungi hu muloli asaaviyi kusaliriza wundi mba, vandu vachamu vayaanza kokora vudamanu.

²⁹ Avandu vekehenyahenye vetegeki kunyoola mageri, kandi avandu avasiru vetegeki kukuywa zimbimbu mu migongo.