Tsing'ano 15 - KITABU KITAKATIFU

Yahova Alolaa vindu Viosi

¹ Litivula lia galaha lihomatizaa vutima, navuzwa litivula lia vwangu likora vutima vwiginga.

² Lwa vandu vageri vamoloma, valomba limanya kuyanzika, navuzwa vandu vasiru vamoloma vusiru.

³ Yahova alolaa chekoleka havundu hoosi, akohezaa lwa kokoraa vulahi anoho vudamanu.

⁴ Amakuva malahi galetaa livamwoyo, navuzwa makuva malulu gaduvulanyia mwoyo gugwo.

⁵ Voveeye vusiru koleka ga baba woovo yakwigiza; ni vulahi kuvugilira miigizu geege.

⁶ Avandu valungi vaviika vutugi vwavo lwu vudinyu vuduuka.

⁷ Limanya lilaandizwa na vandu vaveeye avageri, navuzwa sivulandizwa na vasiru mba.

⁸ Yahova ayaanzizwa nilisaala lia vandu valahi, navuzwa adunyiraa visiuviliru viletwaa na vandu vachamu.

⁹ Yahova adunyiraa zinzira zia vandu vadamanu, navuzwa ayaanza yavo avakolaa malungi.

¹⁰ Nokora agaveeye madamanu ulahevwa mageri manene ligali, kandi nusuula miigizu, ulakuza.

¹¹ Kali niiva kivala cha vakuzu sikinyala kwigalira Yahova kumanya agaveeyo mba; vandu vanyara kuvisa ndi zing'anagani ziavo kutura ku Nyasaye?

¹² Avandu vaveeye avelori sivayanzaa amigizu mba, kandi sivatevaa kwenya limanya kutura ku vandu vaveeye novogeri mba.

¹³ Lwa avandu vaveeye nu vuyanzi vimwenyelaa, navuzwa lwa vaveeye no vovereri, valoreka kuva ni zing'anagani zinyingi.

¹⁴ Avandu vovogeri vayaanza kwiga, navuzwa vandu vasiru vigutizwa na gavatamanyi.

¹⁵ Limenya liu mundu mudaka liveeye liukunyangana kazozo, navuzwa vandu vu vuyanzi vasangalira limenya liavo.

¹⁶ Nivulahi kuva mudaka ma utie Yahova kuvita kuva mutugi ma ove muvudinyu.

¹⁷ Ni vulahi kulia zinguza na vandu va uyanzaa kuvita kulia inyama enolu huvusigu voveeye.

¹⁸ Vutima vululu voletaa mahangali, navuzwa vwikuziri voletaa mirembe.

¹⁹ Niiva oveeye mugata ulanyora vudinyu havundu hoosi, navuzwa niiva oveeye musuuvirifu, si ulava nuvudinyu mba.

²⁰ Mwana mugeri ayaanzizaa baba weve, navuzwa mwana musiru achayaa mama weve.

²¹ Avandu avasiru vayaanza vuyingu vwavo, navuzwa vandu avageri vakora kindu keveeye kilahi.

²² Nyora miigizu goosi gunyala na ulaguuta, navuzwa vugira gene yago, ulagwa.

²³ Ni vusangali ki konyoora makuva gaduukanaa mung'inga idukanaa!

²⁴ Avandu vageri vagenda kunzira yi livamwoyo, si vagenda kunzira ivimiliraa kuzia mu likuza mba.

²⁵ Yahova alasambula zinyumba zia vandu vaveeye avelori, navuzwa alakinga miandu ja vakunzakali.

²⁶ Yahova adunyiraa zing'anagani zindamanu, navuzwa ayanziliraa makuva malahi.

²⁷ Niiva ogeliza kolomba vukala vwuvugadi, ulavika vandu vinyumba yooyo mu vudinyu. Utavugula viambeti mba, na ulamenya mihiga minyingi.

²⁸ Vandu valahi vaganaganyia nivakikiri kutivula kindu; Avandu vadamanu vahaana mativuli ga vwangu, navuzwa gavaviikaa muvudinyu.

²⁹ Lwa vandu valungi vasaala Yahova ahuliraa, navuzwa alekaa yavo avaveeye vadamanu.

³⁰ Mu moni muveeye nilimwenya, mukolomba ove nuvuyanzi, kandi makuva malahi gakolombaa uve vulahi ligali.

³¹ Niiva ulahulira lwa wigizwa, ulava mugeri.

³² Niiva usulaa kwiga, wisalirizaa. Niiva ulayanza kwigizwa, ulava mugeri ligali.

³³ Liitia Yahova liveeye konyoora miigizu. Gakuduukiraa ove muhocha nulanyoola luyali.