Tsing'ano 10 - KITABU KITAKATIFU

Zing'ano zia Solomoni

¹ Yizi ni zing'ano zia Solomoni: Mwana mugeri akolaa baba weve kuva nuvuyanzi, navuzwa mwana musiru aletaa vovereri ku mama weve.

² Uvutugi vwonyoola muvuchamu si voveeye nu vukala ku ivi mba, navuzwa vulungi vulahonyia livamwoyo liilio.

³ Yahova sialaleka vandu valungi vave ninzara mba, navuzwa alakinga vachamu kuvula konyoora viavenyaa.

⁴ Uvugata vulakokola mudaka, navuzwa liyinzira nizinguru lilakokola mutugi.

⁵ Mundu wo vogeri agesaa vitagwa lwa vietegeki kogeswa, navuzwa mundu ogonaa ing'inga yi ligesa, yiviika mu zisoni.

⁶ Avandu valungi valanyora vugasu, navuzwa makuva gu mundu muchamu gavisaa kilage chichie.

⁷ Lizuliza lia vandu valungi nivakakuza liveeye uvugasu, navuzwa lieta lia vandu vachamu lilivililwa.

⁸ Avandu vovogeri vavugilira zigangani zindahi navuzwa vandu vasiru valadivizwa.

⁹ Avandu vaveeye avasuuvirifu vaveeye mu mirembe kandi mu likingwa, navuzwa vandu vataveeye avasuuvirifu valanyooleka.

¹⁰ Oyo uvisaa agiligali aletaa vudinyu, navuzwa oyo ugayaa vudamanu havulavu aletaa mirembe.

¹¹ Amakuva gu mundu mulungi gaveeye kuli kisinukiru chi livamwoyo, navuzwa amakuva gu mundu mudamanu gavisaa kilage chiche.

¹² Lidunya liletaa vudinyu, navuzwa vuyanzi vukunika vudamanu vwosi.

¹³ Avandu vovogeri vamoloma makuva gi kivuni, navuzwa vandu vasiru gavadukiraa vahevwe amageri.

¹⁴ Avandu vovogeri vanyoola limanya liosi, navuzwa makuva ga vasiru galetaa lidiviza himbi.

¹⁵ Uvutugi vukinga mutugi, navuzwa uvudaka vudiviza mudaka.

¹⁶ Amadanyi gelikola vulungi ni livamwoyo, navuzwa vwoni vuletaa vudamanu vunyingi.

¹⁷ Avandu vahuliriza lwa vahevwa mageri valamenya, navuzwa yavo vatavugiliraa uvudamanu vwavo vaveeye muvudinyu.

¹⁸ Uyu uvisaa lidunyira lilie aveeye muvehi; na oyo ulandizaa makuva gavuzwa aveeye musiru.

¹⁹ Limoloma linyingi liletaa mahiolo, navuzwa niiva oveeye mugeri ulachiring'ana.

²⁰ Amakuva gu mundu mulungi gaveeye kuli ifeza indahi, navuzwa iziganagani ziu mundu muchamu ziveeye zia vuzwa.

²¹ Amakuva gu mundu mulungi galakonya avandu vanyingi, navuzwa unyala kwiyita nuvusiru.

²² Uvugasu vwa Yahova vulakuha vutugi, navuzwa liyinzira vudinyu si lilakokola mutugi mba.

²³ Voveeye uvusiru kuyaanzilira kokora vudamanu navuzwa vandu vi limanya vayanzilira kokora ovogeri.

²⁴ Avandu valungi valanyora cha venya, navuzwa avandu vachamu valanyora cha vatizaa ligali.

²⁵ Avandu vachamu valahirwa ihale lwi kiihi kiiza, navuzwa vandu vaveeye vasuuvirifu vakingwa ing'inga yoosi.

²⁶ Utaleka mundu mugata akokolere kindu mba, alakunyangiza kuli isiki kuminu googo anoho umwoki mu zimoni zizio.

²⁷ Utie Yahova na ulahindira. Avandu vachamu vakuza ing'inga yaavo ni taduuka.

²⁸ Lisuuvirizwa lia vandu valungi liletaa vusangali, navuzwa vandu vachamu sivalanyora kindu mba.

²⁹ Yahova akingaa vandu valungi, navuzwa aladiviza yavo avakolaa vudamanu.

³⁰ Vandu valungi valakingwa ing'inga yoosi, navuzwa vandu vachamu sivalamenya mukivala mba.

³¹ Avandu valungi vamoloma limanya, navuzwa mundu omoloma vudamanu aladivizwa.

³² Avandu valungi vaveeye ni limoloma lihooma, navuzwa vandu vachamu vamoloma vindu viukusaliriza.