Nehemia 10 - KITABU KITAKATIFU

¹ Yavo avaari vukutanga kuviika ku mihuri, vaali Nehemia uwaali munene, kandi muyayi wa Hakalia na Zedekia. Avasaalisi valonda ku yava, kandi navo vaviika ku muhuri:

² Seraya, Azaria, Jeremia,

³ Pashuri, Amaria, Malikija,

⁴ Hatushi, Shebania, Maluku,

⁵ Harimu, Meremozi, Obadia,

⁶ Danieli, Ginezoni, Baruki,

⁷ Meshulami, Abija, Mijamini.

⁸ Maazia, Biligai, na Shemaya.

⁹ Vandu va Levi avaviika ku muhuri vaali: Jeshua muyaayi wa Azania, Binui kutura mu muliango gwa Henadadi, na Kadimieli.

¹⁰ Na vakonyeleri vaavo: Shebania, Hodia, Kelita, Pelaia, Hanani;

¹¹ Mika, Rehobu, Hashabia,

¹² Zakuri, Sherebia, Shebania,

¹³ Hodia, Bani, na Beninu.

¹⁴ Aviimiliri va vandu avaviika ku mihuri jaavo ni yava: Paroshi, Pahazi Moabu Elamu, Zatu Bani;

¹⁵ Buni, Azigadi, Bebai,

¹⁶ Adonija, Bigivai, Adini,

¹⁷ Ateri, Hezekia, Azuri,

¹⁸ Hodia, Hashumu, Bezai,

¹⁹ Harifu, Anazozi, Nebai,

²⁰ Magipiashi, Meshulami, Heziri,

²¹ Meshezabeli, Zadoku, Jadua,

²² Pelatia, Hanani, Anaia,

²³ Hoshea, Hanania, Hashubu,

²⁴ Haloheshi, Piliha, Shobeki,

²⁵ Rehumu, Hashabuna, Maaseia,

²⁶ Ahia, Hanani, Anani,

²⁷ Maluku, Harimu, na Baana.

Lilagana

²⁸ Kunyi, avandu va Isiraeli vosi, avasaalisi, avandu va Levi, valindi vi virivwa, Aviimbi vumulitembeli, avayinziri vu mu Litembeli, kandi avandi vosi aviiyahula aveene kutura ku avageni vamenya mu kivala chietu mu lihulira Lilaga lia Nyasaye, kunyi, harara na vakali viitu, na avana viitu avaaveeye novogeri kumanyiriza,

²⁹ kuhambanaa, na aviimiliri viitu mu liesuuha kandi isi wi linyola mageri gi kilaamo niiva kulavunaga liesuuha lietu, ndi kulamenya kolondekana ni Lilaga lia Nyasaye, lia yakuha ku Mutumikiri weve Musa; ndi kulahulira goosi aga Yahova, Nyasaye wiitu, akulagaa kokole, ma kandi malago geege goosi kandi nilienya lilie liosi.

³⁰ Kunyi sikulaleetana na vageni vamenya mu kivala chietu mba.

³¹ Niiva avageni valaleta vuswage kinga ivindu vindi viosi kukugulizira ku lidiku lie Lisabato anoho ku lidiku lindi liosi litakatifu, kunyi sikulavigula kutura kuvo mba. Vuli muhiga gwa saba, sikulalima milimi mba, kandi kulaleka livanza magovi goosi.

³² Vuli muhiga, kulasolola sa mulala ziguramu zitano ziefeza kokoonyana kutunga uvutumiki vwi Litembeli.

³³ Kulahaana ivindu yivi kigira lisigamira lie Litembeli: Mugadi mutakatifu, kihanwa chu vuswage cha vuli lidiku, izinyama zienyekaa zisambwe kuli visiuviliru vuli lidiku, vihaanwa vitakatifu kigira Lisabato masavo gu mweli muhia, kandi namasavo gandi, vihaanwa vitakatifu vindi, vihaanwa viukukunika uvwoni vwa Isiraeli, kandi nikindu kindi choosi ichenyekaa kigira uvutumiki vwi Litembeli.

³⁴ Kunyi avandu, avasaalisi, vandu va Levi, kulakuba ikura vuli muhiga kwenya kumanya ni avikiliango ki avaadukana koleta iziingu ziu kusambira visiuviliru vihaanwa ku Yahova Nyasaye wiitu ku uvwali kolondekana ni lienya lie Lilaga.

³⁵ Kulahila mu Litembeli vuli muhiga, ligesa liukutanga kandi nivihaanwa vietu vindi vie iwaini, maguta ga muzeituni, kandi ni zing'ano ziosi zia makuyu.

³⁶ Kunyi kulahila ku avasaalisi mu Litembeli muyaayi wukutanga wa sa mulala wiitu yivula kuli gang'odwa mu Lilaga, kumuviika halovega kigira uvutumiki vwa Nyasaye. Kulahila yo kandi Kemoli kigiriki chu kutanga kwivulwa ku sa ndala ku zing'ombe zietu kandi kememe chukutanga cha magondi gietu kandi zimburi zietu.

³⁷ Kulahilira Avasaalisi mu Litembeli viukulia viuvusi vialombwa kutura ku vuswage vwageswa kutanga vuli muhiga, kandi nivihaanwa vietu vindi vie iwaini, maguta ga muzeituni, kandi ni zing'ano ziosi zia makuyu. Kulahilira avandi va Levi, avavungizaa izaka mu tudaala twiitu twu vulimi, izaka kutura ku viukulia vietu ivimelaa mu kivala chietu.

³⁸ Avasaalisi vaveeye kisukururwi cha Haruni valava harara na va Levi lwa zizaka zivungizwa, kigira litumikirwa mu Litembeli, vandu va Levi valahila mu mavikiru kidieli chi likomi chi zizaka ziosi zia vavungiza.

³⁹ Avandu va Isiraeli harara na vandu va Levi valahila engeso yaavo yu vuswage, iwaini impia, nivia maguta ga muzeituni mu zinyumba zia mavikiru umwa iviju ivitakatifu vie Litembeli vivikwa, kandi umwa avasaalisi, avaveeye ku miyinzi, avalindi vukulinda virivwa vie Litembeli, na vasangi vi Litembeli, na avukwimba ikwaya vaveeye ni zinyumba ziavo ziokomenya mu. Kunyi sikulaleka inyumba ya Nyasaye wiitu kali hakuzu mba.