Mika 7 - KITABU KITAKATIFU

Uvwoneku vwa Isiraeli

¹ O, vayaayi, kivi keveeye ku inzi! Mbeeye kuli mundu oveeye ninzara uvula konyoora amakuyu gukwagula ku misaala kandi amazabibu ku mizabibu. Viganda via mazabibu malahi viosi kandi makuyu gumwayu aganyenyaa goosi gamali kwagurwa.

² Sihaveeyeho nu mundu mulungi utigaye ku lirova mba, sihaliho nu mulala oveeye musuuvirifu ku Nyasaye mba. Vosi vagoneka vaduuki kwita. Vosi vahimana nu mutego.

³ Vosi vaveeye nilimanya liokokola uvudamanu; aviimiliri na vakalagi vetegeki vahevwe viambeti. Avanene vizingulu vaniga kohevwa via venya; kulwayago valohiza harara okokora uvudamanu.

⁴ Kali mulahi kuvita vosi kandi musuuvirifu kuvita vosi vuzwa vaveeye kuli indiva. Lidiku limali kuduuka lwa Nyasaye nahaane mageri ku avandu, kuli yaviganihiza kuvitira mu avasikari veve, avaporofeti. Kalunu vaveeye mu vogoyani.

⁵ Utasuvira mutende woovo mba; utaviika lisuuvira liilio mu mulina woovo mba. Ohenze vulahi ku agovoola kali kumukali woovo.

⁶ Mu zing'inga yizi avayaayi valeganyia avababa vaavo nukuvakola kuva avasiru, avakaana vahing'ana na avamama vaavo; aviiha vahing'ana avanavizara vikikali vaavo. Avasigu vu mundu vaveeye avinyumba yeeye mwene.

⁷ Navuzwa kulwa inzi, ndahenza ku Yahova yeng'ine. Ndalindilira Nyasaye wange mulisuuvira ligali, ulimbonyia. Nyasaye wange alambulira.

Yahova aleetaa ovohonyi

⁸ Mutasangalira kivi change, O, muinyi avasigu viitu lwakugwa, kulavuuka kandi. Kali ninzikala mu kisundi, Yahova alava uvulavu vwange.

⁹ Kigira ku mali kumwonera Yahova, kunangwa kuliekuzira ku vutima vwivwe vululu; kuduuka lwa akukinga mu kiyaalo change nukukukalagira. Alaandeta ichova mu vulavu, kandi ndalora ovohonyi vwivwe.

¹⁰ Hene yaho avasigu vange valalola yaga kandi valava mu zisoni; Oyo owavoolera kuinyi, “Yahova Nyasaye woovo aveeye haliha?” Zimoni ziange zilarora liigwa liu musigu wange. Kalunu valaduvagirwa hasi kuli ovodohi kuzinzira.

¹¹ Avandu va Jerusalemi, lidiku lizaa liu kwumbaka uvuhia amadigi gi lidaala linene; Lidiku liene yilio zinzako zie kivala chiinyu zilameedeka.

¹² Mu lidiku yilio avandu valirana ku munyi kutura havundu hoosi, mu lovega lwi Ivugwi wa Asiria, kandi kutura Egebeti kolovega lwi Isavaalu, kutura mu kivala cha Efarata, kandi kutura mu zinyanza zia ihale kandi kutura ku vigulu viehale.

¹³ Navuzwa lirova llilagwa changalangwe kigira vuchamu vwa avandu vamenyi kulio.

Zimbavasi zia Yahova ku Isiraeli

¹⁴ Waye avandu vovo ni imbimbu yooyo, Yahova, avandu va ivi umali kotovola kuva miandu jijo kali nivamenyi veng'ine mwigendanyama, haveeye kivala kenoru ichavakumbiriza. Leka vazie kwaya mu viayilu via Bashani na Gileadi, kuli vaakora zing'inga zia kale.

¹⁵ Kuli mu madiku ga mwatula Egebeti, ndavamanyia vilolekizu.

¹⁶ Zihiiri valalola yaga ma vave muzisoni kali nivaveeye nizinguru. Mu lihendizwa mwoyo, valakunika minwa jaavo namakono, nukuhanyia amatu gaavo.

¹⁷ Valakomba luguchi kuli enzoka, valamoola kuli viguguli ku marova. Valatura mu zimbinga ziavo, nivihikaa novodegeri kandi nuvuti. Valagirung'ana koyeeka ku Yahova Nyasaye wiitu mu vuti. Kandi valatia kigira ivi.

¹⁸ Nivwaha oveeye Nyasaye kuli ivi, usamihaa uvwoni kandi ukunikaa amahiolo ga yavo avatigara avavandu veve avatovole? Siaviika nu vutima vwivwe mihiga ni mihiga kigira usangalaa muvuyaanzi vutaveeye nekeheri.

¹⁹ Ivi ulakoveera zimbavasi kandi. Ukusamihi uvwoni vwitu, kandi utavwizuliza mba.

²⁰ Ivi ulamanyia uvusuuvirifu kandi uvuyanzi vuvwo uvutaveeye nekeheri ku avandu vovo, ivisukulurwi via Aburahamu na Yakobo, kuli wasuuviriza avaguuga viitu zing'inga zia kale.