Lwimbu lwa Solomoni 3 - KITABU KITAKATIFU

¹ Ku kidali change vudiku, ndenyeleriza oyo wumwoyo gwangwe gwayaanza, ndamwenyeleriza, navuzwa sindamunyoora mba, ndamulanga, navuzwa si yahugira mba.

² Ndagendagenda mu lidaala linene liosi ndavitira muzinzira nu tuzira tungerere. Ndenyeleriza oyo wandayaanzaa. Ndenyeleriza navuzwa sindamunyoora mba.

³ Vasikari vavudiku vanyoola lwavaali ni vagendagenda mulidaala linene. Ndavateva, “Mundoleye muyanze wange?”

⁴ Nonoho lwa kwavukana navo, ndaamunyoora. Ndamugumira kandi sindenya mulakuli mba, kuduuka lwa ndamuhila munyumba ya mama wange, mukengoze chandivulilwa mu.

⁵ Mundage O, vakali va Jerusalemi, mwisuuhi, kulieta lievisusu kandi kulieta lie zimbongo ziu muvulimu; ndi simulagoyanyia uvuyanzi vwitu mba.

Lwimbu lwa Kavaga Mukali

⁶ Nivwaha uyu uzaa kutura mu changalangwi kuli itiiru yu mwoki, yayivaka maguta gu mwayu ga manemane kandi gi kimuli, galombwa kutura ku mudarasini gwa vakiranyi?

⁷ Solomoni yaazaa, ugingiywi kondeve yeeye yu vwami ukumberiziywi na vasikari 60 avalindi vu mwami, avasikari valahi mu Isiraeli,

⁸ vosi vaveeye nu vusiza vwu kutumikira kivavi mu liihi. Valuviliri kandi vasiza vu vulwani vuli mulala kuvo yiyavaye viugi. Vaveeye ku vulindi vwa vudiku.

⁹ Mwami Solomoni ugingiywi kondeve yu vwami yalombwa kutura ku misaala milahi ja Lebanoni.

¹⁰ Miguliru ja lio jakunikwa ni ifeza. Vwidiliru vwalombwa ni zahabu, na vwikaliru vwalio vwakunikwa ni zinguvu ziu muzambarao, zianavwa vulahi navakari va Jerusalemi.

¹¹ Avakali va Ziyoni, hambi mulore mwami Solomoni; Yiviiki itaji ya mama weve yamuvika lidiku lie keserero chiche. Lidiku liu vuyanzi nu vusangali mumwoyo gwigwe.