Luka 3 - KITABU KITAKATIFU

Lilwaza lia Yohana Mubatizi

¹ Gwaali muhiga gwa komi na tano mu vwamihi vwu mwami munene Tiberio. Pontio Pilato yaali mwami wi kivala chi Ivuyuda, Herodi yaali mwamihi munene wi kivala cha Galilaya, na Filipo amwavo weve yaali munene wi kivala cha Turea na Tarakoniti; Lusania yaali munene wa Abilene, na Anasi na Kayafa vaali avasaalisi vanene.

² Ing'inga yeyo nilwo lwi likuva lia Nyasaye liadukira Yohana mwana wa Zakaria mwigendanyama.

³ Kunangwa, Yohana yazia mu zimbega ziosi iziali ahimbi nu mugera gwa Jorodani, ni yilwaza ndi gaduukanaa avandu viganiri, vabatizwi kandi Nyasaye aduuki kusamiiha uvwoni vwavo.

⁴ Nindio gang'odwa mu kitabu cho muporofeti Isaya: “Mwoyo gwu mundu mulala guhanzukaa mwigendanyama: ‘Mwetegekize inzira yu Mwami Iungikizi zinzira zizie!

⁵ Mavoona goosi gililizwi, vigulu viosi notugulu twosi twikizwi ahachama halungikizwi, zinzira zia magichi zileng'anywi.

⁶ Avandu vosi valakalole ovohonyi vwa Nyasaye.’ ”

⁷ Kunangwa Yohana yavolera viduma via avandu vaza kuye avabatizi, “Munyi avana vizinzoka! Nivwaha wa mugerihiza mwiruki vutima vwa Nyasaye vuzaa?

⁸ Gamudukira mukore vikolwa vilahi vimanyia ndi mumali kwiganira kutura mu vwoni vwinyu ligali. Mutatanga kwevoolera aveene kalunu, ‘Kunyi koveeye avana va Aburahamu.’ Muvooleraa agiligali, Nyasaye anyala kugirung'anyia amagina yaga gagwi avana va Aburahamu.

⁹ Navuzwa kalunu imbaazi etekekeywi kotemaga imiri jimisaala. Musaala gwosi ugutamaa amakuyu malahi gulatemagwa nokoteevwa mu muliru.”

¹⁰ Kiduma chamuteeva, “Ku kokole ndi?” Yavativulira,

¹¹ “Oveeye ni zinguvu ziviri ahaane ku oyo utali nayo; na oveeye ni viu kulia akole ndio.”

¹² Avasololi vuvusuuru navo vazia vabatizwi, ni vamuteeva, “Mwigizi, kokole ki?”

¹³ Naye yavavolera, “Mutasolola vusuuru kuvita kegero chalagwa mba.”

¹⁴ Avasikari navo vamuteeva kandi, “Na kunyi kokole ki?” Naye yavavolera, “Mutanuura mundu woosi vindu vivie anoho kugina mundu woosi mba. Muvugiliri mitungu jinyu.”

¹⁵ Avandu vosi lwa valindilira, kigira, vatanga kotevana mu mioyo jaavo amakuva ga Yohana, hawundi anyala kuva niyie Kristo.

¹⁶ Kunangwa Yohana yavavolera vosi, “Inzi mubatizaa na amazi, navuzwa mulala yazaa oveeye ni zinguru kuvita inzi, wandaduukanaa kali kovoholora migoye ji vilatu vivie. Mwene oyo alamubatiza na Roho Mutakatifu kandi nu muliru.

¹⁷ Aveeye kuli mundu oveeye nu lwuvivu lwe kesesero mukono gwigwe kandi. Alalaviza loze lwilwe ligali kandi ateere uvuswage mu kedeera, navuzwa mukuuzi alagusaamba numuliru ugutasimaa.”

¹⁸ Kunangwa, Yohana yilwaazira avandu Makuva Malahi ya Nyasaye, niyiganihiza avanyingi.

¹⁹ Navuzwa yagondokera Herodi, mwami wa Galilaya, kigira yaali navuguyi Herodia mukali wa amwavo weve, ave mukali weve, kandi kigira vudamanu vwosi vwa Herodi yakola.

²⁰ Maku Herodi yakola kindu kidamanu ligali ku livoha Yohana vuhambe.

Libatizwa lia Yeso

²¹ Lwa avandu vosi vaali nivakabatizwa, Yeso naye ya batizwa na lwa yaali nasaalaa, ligulu ligulika.

²² Roho Mutakatifu yika kuye mu ligondo kuli muviri gwi likuulu; kandi omwoyo gwatura mwigulu ni govoora, “Ivi oveeye Mwana wange wanyanzaa, nyanziziywi ligali niivi.”

Avaguuga va Yeso

²³ Lwa Yeso yaatanga miyinzi jije yaali ahimbi ni mihiga salasini. Avandu vaganagana ndi yaali muyaayi wa Josefu uwaali muyaayi wa Heli.

²⁴ Heli yaali muyaayi wa Mazati, waali muyaayi wa Levi, muyaayi wa Meliki, muyaayi wa Yanai, muyaayi wa Josefu,

²⁵ uwaali muyaayi wa Matazia, muyaayi wa Amosi, muyaayi wa Nahumu, muyaayi wa Hesili, muyaayi wa Nagai;

²⁶ uwaali muyaayi wa Maazi, muyaayi wa Matazia muyaayi wa Semeni, muyaayi wa Joseki, muyaayi wa Joda,

²⁷ uwaali muyaayi wa Yohana, muyaayi wa Resa, muyaayi wa Zerubabeli, muyaayi wa Shelatieli, muyaayi wa Neri,

²⁸ muyaayi wa Meliki, muyaayi wa Adi, muyaayi wa Kosamu, uwaali muyaayi wa Elimodamu, muyaayi wa Eri,

²⁹ uwaali muyaayi wa Joshua, muyaayi wa Elieza, muyaayi wa Jorimu, muyaayi wa Mazati, muyaayi wa Levi,

³⁰ uwaali muyaayi wa Simioni, muyaayi wa Yuda, muyaayi wa Josefu, muyaayi wa Jonamu, muyaayi wa Eliakimu,

³¹ uwaali muyaayi wa Melea, muyaayi wa Mena, muyaayi wa Mataza, muyaayi wa Nazani, muyaayi wa Daudi;

³² uwaali muyaayi wa Jese, muyaayi wa Obedi, muyaayi wa Boazi, muyaayi wa Sela, muyaayi wa Nahashoni;

³³ uwaali muyaayi wa Aminadabu, muyaayi wa Adimini, muyaayi wa Arini, muyaayi wa Hezoroni, muyaayi wa Faresi, muyaayi wa Yuda;

³⁴ uwaali muyaayi wa Yakobo, muyaayi wa Isaka, muyaayi wa Aburahamu, muyaayi wa Tera, muyaayi wa Nahori,

³⁵ uwaali muyaayi wa Serugi, muyaayi wa Reu, muyaayi wa Pelegi, muyaayi wa Eberi, muyaayi wa Sela;

³⁶ uwaali muyaayi wa Kainani, muyaayi wa Arifoksadi, muyaayi wa Shemu, muyaayi wa Nuhu, muyaayi wa Lameki;

³⁷ uwaali muyaayi wa Mazushela, muyaayi wa Enoka, muyaayi wa Jaredi, muyaayi wa Mahalaleli, muyaayi wa Kainani,

³⁸ uwaali muyaayi wa Enosi, muyaayi wa Sezu, muyaayi wa Adamu, uwaali muyaayi wa Nyasaye.