Livalidza 7 - KITABU KITAKATIFU

Vihaanwa via vimiliri mu Lihema Litakatifu

¹ Lwa Musa yamala kwumbaka lihema lia Yahova, yalitakasa kandi nalikora litakatifu harara ni viju vialio viosi; kandi yatakasa uvwali navokola uvutakatifu harara ni viju via vwo viosi.

² Maku aviimiliri va vandu va Isiraeli, avaari aviimiliri vi zinyumba ziavo kandi aviimiliri vi zihiiri ziavo, avaari avanene vu kuvaliza vandu,

³ Valeta vihaanwa viavo ku Yahova: Magare 6 agaali ni vikuniku, zigiriki 12, vahaana kandi ligari lilala ku vuli vimiliri vaviri, kandi igiriki indala ku vuli mwimiliri. Vahaana vindu yivi viosi imbiri wi Lihema.

⁴ Maku Yahova yavolera Musa,

⁵ “Uvugiliri vihaanwa yivi vitumiki ku miyinzi ju mu Lihema. Uvihaane ku Ihiiri ya vandu va Levi kolondekana ni miyinzi jaavo.”

⁶ Kunangwa Musa yavugula magare harara ni zigiriki ma nahaana ku Ihiiri ya vandu va Levi.

⁷ Yahaana magare 2 harara ni zigiriki 4 ku vayaayi va Gerishoni, kolondekana nu vutumiki vwavo,

⁸ kandi yahaana magare 4 harara ni zigiriki 8 ku vayaayi va Merari, kolondekana nu vutumiki vwavo. Miyinzi jaavo josi jakoleka mu vwimiliri vwa Izamara muyaayi wa Haruni musaalisi.

⁹ Navuzwa Musa si yahaana magare anoho zigiriki ku vayaayi va Kohazi mba, kigira iviju vitakatifu via valinda vienyekanaa vagingiri ku mavega gaavo.

¹⁰ Aviimiliri valeta kandi vihaanwa viavo mu litakasa vwali, vahaana vihaanwa viavo imbiri wu vwali.

¹¹ Yahova yavolera Musa, “Ovoolere aviimiliri yava ndi, vuli lidiku ku ing'inga ya madiku 12 vuli mulala alaleeta vihaanwa vivie mu litakasa uvwali.”

¹² Oyo vahaana kihanwa chiche: Lidiku liu kutanga yaali Nashoni muyaayi wa Aminadabu wi ihiiri ya Yuda.

¹³ Yahaana isahani indala yi ifeza, yaali nu vulitu vwi kiloguramu 1.5, ibakuli indala yi ifeza ziguramu 800 kolondekana ni ligera lie lihema litakatifu, viombi vizura uvusie vwazuganywa maguta kuva kuli kihanwa chu vuswage.

¹⁴ Vahaana kandi ibakuli indala yi zahabu yaali nu vulitu vwi ziguramu 110, ni yizuuyi kimuli kifunyaa mwayu

¹⁵ kemoli kilala kigiriki, ligondi lilala limigu, ne kememe kilala kimigu chu muhiga mulala vive kuli vihaanwa viu kusambwa.

¹⁶ Yahaana kandi imburi ekole eve kuli vihaanwa chu vwoni,

¹⁷ zigiriki 2, magondi mamigu 5, zimburi zikole 5 kandi vimeme via magondi vimigu 5 viu muhiga mulala vive kuli vihaanwa vie mirembe. Yivi viali vihaanwa via Nashoni muyaayi wa Aminadabu.

¹⁸ Lidiku lia kaviri yaali Nezaneli muyaayi wa Zuari, mwimiliri wi ihiiri ya Isakari.

¹⁹ Yahaana isahani ndala yi ifeza yuvulitu vwi kiloguramu 1.5 kandi ibakuli indala yi ifeza yu vulitu vwi ziguramu 800, kolondekana nilegera lie Lihema litakatifu. Viombi vizura uvusie vwazuganywa amaaguta kuva kuli kihanwa chu vuswage.

²⁰ Yahaana kandi ibakuli indala yi zahabu yu vulitu vwi ziguramu 110, niyizuuyi kimuli kifunyaa mwayu,

²¹ kemoli kilala kigiriki, ligondi lilala limigu, ne kememe kilala kimigu chu muhiga mulala, vive kuli vihaanwa viu kusambwa.

²² Yahaana kandi imburi ekole eve kuli kihanwa chu vwoni,

²³ zigiriki 2, magondi mamigu 5, zimburi zikole 5, kandi vimeme via magondi vimigu 5 viu muhiga mulala vive kuli vihaanwa vi mirembe. Yivi viali vihaanwa via Nazaneli muyaayi wa Zuari.

²⁴ Lidiku lia kavaga yaali Eliabu muyaayi wa Heloni, mwimiliri wi ihiiri ya Zabuloni.

²⁵ Yahaana isahani indala yi ifeza yuvulitu kiloguramu 1.5, ibakuli indala yi ifeza ziguramu 800 kolondekana ni ligera lie lihema litakatifu. Viombi vizura uvusie vwazuganywa amaguta, kuva kuli vihaanwa viu vuswage.

²⁶ Kandi yahaana ibakuli indala yi zahabu, yu vulitu ziguramu 110 ni yizuuyi kimuli kifunyaa mwayu,

²⁷ kandi kemoli kigiriki kilala, limigu lilala ne kememe kilala kimigu chu muhiga mulala, vive kuli vihaanwa viu kusambwa.

²⁸ Yahaana kandi imburi ekole eve kuli kihanwa chu vwoni,

²⁹ zigiriki 2, magondi mamigu 5, zimburi zikole 5, kandi vimeme via magondi vimigu 5 viu muhiga mulala vive kuli vihaanwa vie mirembe. Yivi viali vihaanwa via Eliabu muyaayi wa Heloni.

³⁰ Lidiku lia kane, Elizuri muyaayi wa Shedeuri, mwimiliri wi ihiiri ya Rubeni yaleeta kihanwa chiche.

³¹ Yahaana isahani indala yi ifeza yu vulitu kiloguramu 1.5, ibakuli indala yi ifeza ziguramu 800 kolondekana ni ligera lie Lihema litakatifu. Viombi vizura uvusie vwazuganywa amaguta, kuva kihanwa chu vuswage.

³² Kandi yahaana isahani indala yi zahabu, yuvulitu ziguramu 110, ni yizuuyi kimuli kifunyaa mwayu,

³³ kemoli kigiriki limigu lilala ne kememe kilala kimigu chu muhiga mulala, vive kuli kihanwa chu kusambwa.

³⁴ Yahaana kandi imburi ekole indala eve kuli kihanwa chu vwoni,

³⁵ zigiriki 2, magondi mamigu 5, zimburi zikole 5, kandi vimeme via magondi vimigu 5 viu muhiga mulala vive kuli Vihaanwa vie mirembe. Yivi viali vihaanwa via Elizuri muyaayi wa Shedeuri.

³⁶ Lidiku lia katano yaali Shelumieli muyaayi wa Zurishadai, mwimiliri wi ihiiri ya Simioni yaleeta kihanwa chiche.

³⁷ Yahaana isahani indala yi ifeza yuvulitu kiloguramu 1.5, ibakuli indala yi ifeza ziguramu 800, kolondekana ni ligera lie Lihema litakatifu. Viombi vizura uvusie vwazuganywa amaguta, kuva kuli vihaanwa viu vuswage.

³⁸ Kandi yahaana ibakuli indala yi zahabu, yuvulitu ziguramu 110, ni yizuuyi kimuli kifunyaa mwayu,

³⁹ kemoli kilala kigiriki, limigu lilala ne kememe kilala kimigu chu muhiga mulala, vive kuli vihaanwa viukusambwa.

⁴⁰ Yahaana kandi imburi ekole eve kuli kihanwa chu vwoni,

⁴¹ zigiriki 2, magondi mamigu 5, zimburi zikole 5, kandi vimeme via magondi vimigu 5 viu muhiga mulala vive kuli Vihaanwa vie mirembe. Yivi viali vihaanwa via Shelumieli muyaayi wa Zurishadai.

⁴² Lidiku lia sita yaali Eliasafu muyaayi wa Deyeli, mwimiliri wi ihiiri ya Gadi yaleeta kihanwa chiche.

⁴³ Yahaana isahani indala yi ifeza yu vulitu kiloguramu 1.5, ibakuli indala yi ifeza ziguramu 800, kolondekana ni ligera lie Lihema litakatifu. Viombi vizura uvusie vwazuganywa amaguta, kuva kuli vihaanwa viu vuswage.

⁴⁴ Kandi yahaana ibakuli indala yi zahabu yu vulitu ziguramu 110, ni yizuuyi kimuli kifunyaa mwayu,

⁴⁵ kemoli kilala kigiriki, ne kememe kilala kimigu chu muhiga mulala, vive kuli vihaanwa viu kusambwa.

⁴⁶ Yahaana kandi imburi ekole eve kuli kihanwa chu vwoni,

⁴⁷ zigiriki 2, magondi mamigu 5, zimburi zikole 5, kandi vimeme via magondi mamigu 5, viu muhiga mulala vive kuli vihaanwa vie mirembe. Yivi viali vihaanwa via Eliasafu muyaayi wa Deyeli.

⁴⁸ Lidiku lia saba yaali Elishama muyaayi wa Amihudi, mwimiliri wi ihiiri ya Efuraimu yaleeta kihanwa chiche.

⁴⁹ Yahaana isahani indala yi ifeza yu vulitu kiloguramu 1.5, ibakuli indala yi ifeza ziguramu 800, kolondekana ni ligera lie lihema litakatifu. Viombi vizura uvusie vwazuganywa amaguta, kuva kuli vihaanwa viu vuswage.

⁵⁰ Kandi yahaana ibakuli indala yi zahabu yu vulitu ziguramu 110, ni yizuuyi kimuli kifunyaa mwayu,

⁵¹ Kemoli kilala kigiriki, limigu lilala ne kememe kilala kimigu chu muhiga mulala, vive kuli vihaanwa viu kusambwa.

⁵² Yahaana kandi imburi ekole eve kuli kihanwa chu vwoni,

⁵³ zigiriki 2, magondi mamigu 5, zimburi zikole 5, kandi vimeme via magondi mamigu 5, viu muhiga mulala vive kuli vihaanwa vie mirembe. Yivi viali vihaanwa via Elishama muyaayi wa Amihudi.

⁵⁴ Lidiku lia munane yaali Gamalieli muyaayi wa Padahizuri, mwimiliri wi ihiiri ya manase yaleeta kihanwa chiche.

⁵⁵ Yahaana isahani indala yi ifeza yu vulitu kiloguramu 1.5, ibakuli indala yi ifeza yu vulitu ziguramu 800, kolondekana ni ligera lie Lihema Litakatifu. Viombi vizura uvusie vwazuganywa amaguta, kuva kuli vihaanwa viu vuswage.

⁵⁶ Kandi yahaana ibakuli indala yi zahabu yu vulitu ziguramu 110, ni yizuuyi kimuli kifunyaa mwayu,

⁵⁷ kemoli kilala kikiriki, limigu ne kememe kilala kimigu chu muhiga mulala, vive kuli vihaanwa viu kusambwa.

⁵⁸ Yahaana kandi imburi ekole eve kuli kihanwa chu vwoni,

⁵⁹ zigiriki 2, magondi mamigu 5, zimburi zikole 5, kandi vimeme via magondi vimigu 5, viu muhiga mulala vive kuli vihaanwa vie mirembe. Yivi viali vihaanwa via Gamalieli muyaayi wa padahizuri.

⁶⁰ Lidiku lia tisa Abidani muyaayi wa Gidioni, mwimiliri wi ihiiri ya Benjamini yaleeta kihanwa chiche.

⁶¹ Yahaana isahani indala yi ifeza yu vulitu kiloguramu 1.5, ibakuli indala yi ifeza yu vulitu ziguramu 800, kolondekana ni ligera lie Lihema Litakatifu, viombi vizura uvusie vwazuganywa amaguta, kuva kuli vihaanwa viu vuswage.

⁶² Kandi yahaana ibakuli indala yi zahabu yuvulitu ziguramu 110 ni yizuuyi kimuli kifunyaa mwayu,

⁶³ kemoli kilala kigiriki, limigu lilala ne kememe kilala kimigu chu muhiga mulala, vive kuli vihaanwa viu kusambwa.

⁶⁴ Yahaana kandi imburi ekole eve kuli kihanwa chu vwoni,

⁶⁵ zigiriki 2, magondi mamigu 5, zimburi zikole 5, kandi vimeme via magondi vimigu 5, viu muhiga mulala vive kuli vihaanwa vie mirembe. Yivi viali vihaanwa via Abidani muyaayi wa Gidioni.

⁶⁶ Lidiku lie likomi Ahiezeri muyaayi wa Amishadai, mwimiliri wi ihiiri ya Dani yaleeta kihanwa chiche.

⁶⁷ Yahaana isahani indala yi ifeza yuvulitu kiloguramu 1.5, ibakuli yi ifeza yuvulitu ziguramu 800, kolondekana ni legera lie Lihema Litakatifu. Viombi vizura uvusie vwazuganywa amaguta kuva kuli vihaanwa viu vuswage.

⁶⁸ Kandi yahaana ibakuli indala yi zahabu yuvulitu ziguramu 110 ni yizuuyi kimuli kifunyaa mwayu

⁶⁹ kemoli kigiriki, limigu lialala ne kememe kilala kimigu chu muhiga mulala, vive kuli vihaanwa viu kusambwa.

⁷⁰ Yahaana kandi imburi ekole eve kuli kihanwa chu vwoni,

⁷¹ zigiriki 2, magondi mamigu 5, zimburi zikole 5, viu muhiga mulala, vive kuli vihaanwa vie mirembe. Yivi viali vihaanwa via Ahiezeri muyaayi wa Amishadai.

⁷² Lidiku lia 11 Pagieli muyaayi wa Okarani, mwimiliri wi ihiiri ya Asheri yaleeta kihanwa chiche.

⁷³ Yahaana isahani indala yi ifeza yuvulitu kiloguramu 1.5, ibakuli indala yi ifeza yuvulitu ziguramu 800, kolondekana ni ligera lie Lihema Litakatifu. Viombi vizura uvusie vwazuganywa amaguta, kuva kuli vihaanwa viu vuswage.

⁷⁴ Kandi yahaana ibakuli indala yi zahabu yuvulitu ziguramu 110 ni yizuuyi kimuli kifunyaa mwayu,

⁷⁵ kemoli kigiriki, limigu lilala ne kememe kilala kimigu chu muhiga mulala, vive kuli vihaanwa viu kusambwa.

⁷⁶ Yahaana kandi imburi ekole eve kuli kihanwa chu vwoni,

⁷⁷ zigiriki 2, magondi mamigu 5, zimburi zikole 5, kandi vimeme via magondi vimigu 5, viu muhiga mulala vive kuli vihaanwa vie mirembe. Yivi viali vihaanwa via Pagieli muyaayi wa Okarani.

⁷⁸ Lidiku lia 12, Ahira muyaayi wa Enani, mwimiliri wi ihiiri ya Nafutali yaleeta kihanwa chiche.

⁷⁹ Yahaana isahani indala yi ifeza yu vulitu kiloguramu 1.5 ibakuli yi ifeza yu vulitu ziguramu 800, kolondekana ni ligera lie Lihema Litakatifu. Viombi vizura uvusie vwazuganywa amaguta, kuva kuli vihaanwa viu vuswage.

⁸⁰ Kandi yahaana ibakuli indala yi zahabu yu vulitu ziguramu 110, niyizuuyi kimuli kifunyaa mwayu,

⁸¹ kemoli kigiriki, limigu lilala ne kememe kimigu chu muhiga mulala, vive kuli vihaanwa viu kusambwa.

⁸² Yahaana kandi imburi ekole eve kuli kihanwa chu vwoni,

⁸³ zigiriki 2, magondi mamigu 5, zimburi zikole 5, viu muhiga mulala vive kuli vihaanwa vie mirembe. Yivi viali vihaanwa via Ahira muyaayi wa Enani.

⁸⁴ Vihaanwa viosi via vimiliri 12 va vandu va Isiraeli valeta ku lidiku liu kutakasa uvwali viali: zisahani zie ifeza 12, zibakuli zie ifeza 12, zisahani zie zahabu 12.

⁸⁵ Vuli isahani yi ifeza yaali nu vulitu kiloguramu 1.5, vuli ibakuli yi ifeza yaali nu vulitu ziguramu 800, kolondekana ni ligera lie Lihema Litakatifu.

⁸⁶ Vuli ibakuli yi zahabu ni yizuuyi kimuli kifunyaa mwayu yu vulitu ziguramu 110, kolondekana ni ligera lie Lihema Litakatifu. Zisahani ziosi zie zahabu 12, ziali nu vulitu kiloguramu 1.5.

⁸⁷ Vimoli viosi vigiriki vie kihanwa chu kusambwa viali 12, magondi mamigu 12, vimeme via magondi mamigu viali 12 viu muhiga mulala, harara nuvuswage vwavo; kandi zimburi zikole zie kihanwa chu vwoni ziali 12.

⁸⁸ Mitugu josi jie kihanwa chi mirembe jali: zigiriki 24, magondi mamigu 60, zimburi zingole 60, vimeme vimigu via magondi muhiga mulala 60. Yivi viosi viali vihaanwa vialetwa kutakasa uvwali nu kuvakwa maguta.

⁸⁹ Lwa Musa yingira mu Lihema liukuvuganira kumoloma na yahova, yahulira umwoyo gumolomaa kuye kutura igulu we endeve yi zimbavasi, iyaali igulu wi Lisandugu lia Malago; iliali hagati ha Vakerubi vaviri, nu mwoyo gwa Yahova gwamoloma kuye.