Livalidza 33 - KITABU KITAKATIFU

Ologendo lwa Vandu va Isiraeli Kutura Egebeti Kuzia Moabu

¹ Yivi ni vika via vandu va Isiraeli vagenda mu lwa vaatura mu kivala cha Egebeti, mu miganda ji zihiiri ziavo mu vwimiliri vwa Musa na Haruni.

² Ku lilaga lia Yahova, Musa yang'oda mita gi vivala viosi viavavitiramu.

³ Avandu va Isiraeli vaatura Egebeti lidiku liu kutanga liu mweli gwu kutanga gwu muhiga. Liali lidiku liukutanga lie lipasaka liu kutanga nilimali kuvita. Vatanga ologendo kutura mu lidaala lia Ramesesi na vandu va Egebeti ni vavateeleye zimoni. Yahova yaali mukingi wa vandu va Isiraeli.

⁴ Ing'inga yiyi vandu va Egebeti vaali ni vayavira vana vaavo avayaayi vukutanga va Yahova yaali namali kwita. Yahova yakola yaga kumanyia ndi aveeye ni zinguru kuvita vanyasaye va Egebeti.

⁵ Avandu va Isiraeli vatura Ramesesi ni valomba hokososa ha Sukozi.

⁶ Lisosa liavo lialonda ku liali ha Ezamu kundulu kwi changalangwi.

⁷ Kutura hene yaho nivirana ha Pi Hahirozi, ivugwi wa Baali Zefoni nivalomba hokososa ha Migidoli.

⁸ Vaatura Pi Hahirozi nivavitira mu inyanza inzakanyu ni vazia muchangalangwe cha Shuri lwavagenda ku madiku gavaga vaduuka hokososa ha Mara.

⁹ Kutura hene yaho vazia ha Elimu, ha vasosera, kigira haali nivisinukilu via mazi komi na mbiri kandi misaala sabwini ji minazi.

¹⁰ Vatura Elimu ni vazia kuduuka hokososa ahimbi ni inyanza inzakanyu.

¹¹ Kutura hene yaaha vazia kuduuka hokososa mu changalangwi cha Sini.

¹² Vaatura mu changalangwi cha Sini ni vazia hokososa ha Dofuka.

¹³ Kutura hene yaaha, vazia kuduuka hokososa ha Alushi,

¹⁴ vatura ha Alushi vazia ha Refidimu na hene yaaha si haali na mazi ga vandu kunwa mba.

¹⁵ Vatura ha Refidimu ni vazia hokososa mwigendanyama mwa Sinai.

¹⁶ Vatura mwigendanyama mwa Sinai ni vazia ha Kibirozi Hataava.

¹⁷ Vatura ha Kibirozi Hataava ni vazia ha Hazerozi.

¹⁸ Vatura Hazerozi ni vazia Rizima.

¹⁹ Vatura Rizima ni vazia ha Rimoni Perezi.

²⁰ Vaatura ha Rimoni Perezi ni vazia ha Libuna

²¹ vatura ha Libuna ni vazia hokososa ha Risa.

²² Kandi vaatura Risa ni vazia Kelehazia.

²³ Vaatura Kelehazia ni vazia ha kiguru cha Shefari.

²⁴ Vatura ha kiguru cha Shefari ni vazia ha Harada.

²⁵ Vatura ha Harada ni vazia Makelozi.

²⁶ Vatura Makelozi ni vazia ha Tahazi.

²⁷ Vatura ha Tahazi ni vazia Tera.

²⁸ Vaatura Tera ni vazia Mizika

²⁹ vatura ha Mizika ni vazia Hashimona.

³⁰ Vaatura Hashimona ni vazia ha Moserozi.

³¹ Vatura Moserozi ni vazia ha Bene Jaakani.

³² Vatura ha Bene Jaakani ni vazia Hori Hagidigadi.

³³ Vatura ha Hori Hagidigadi ni vazia Jotibaza

³⁴ vatura ha Jotibaza ni vazia ha Abirona

³⁵ vatura Abirona ni vazia Ezionigeberi

³⁶ vatura Ezionigeberi ni vazia Kadeshi, mu changalangwi cha Zini.

³⁷ Vatura Kadeshi ni vazia ha kiguru cha Hori kulwako lwi kivala cha Edomu.

³⁸ Ku lilaga lia Yahova, Haruni musaalisi yazia ha kiguru cha Hori, ma nakuzira hene yaaha. Liali lidiku liu kutanga liu mweli gwa katano gwu muhiga gwa 40 kutura lwa vandu va Isiraeli vatura mu Egebeti.

³⁹ Haruni yaali ni mihiga 123 lwa yakuzira mu kiguru cha Hori.

⁴⁰ Mwami wa Aradi wamenya Isavaalu wa Kanaani yahulira ndi avandu va Isiraeli vaali nivaaza.

⁴¹ Vatura ha kiguru cha Hori ni vazia ha Zalimona;

⁴² Vatura Zalimona ni vazia hokososa ha Punoni.

⁴³ Vatura Punoni ni vazia Obozi.

⁴⁴ Vatura Obozi ni vazia Iyeabarimu mu kivala cha Moabu.

⁴⁵ Vatura Iyimu ni vazia Diboni Gadi,

⁴⁶ vatura Diboni Gadi ni vazia hokososa ha Alimoni Dibilazaimu,

⁴⁷ vatura Alimoni Dibilazaimu ni vazia ha kiguru cha Abarimu nivakikiri kuduuka Nebo.

⁴⁸ Vatura ha Kiguru cha Abarimu ni vazia mu kereremo cha Moabu ku luginga lwu mugera gwa Jorodani kutura Jeriko.

⁴⁹ Kutura Bezijeshimozi valomba hokososa ku luginga lwu mugera gwa Jorodani kolovega lwa Abeli Shitimu muvilelemo via Moabu.

Amalago Nivakikiri Kwambuka mugera gwa Jorodani

⁵⁰ Mu vilelemo via Moabu ni vakambuka mugera gwa Jorodani kutura Jeriko, Yahova yahaana ku Musa

⁵¹ Malago yaga ahaane ku vandu va Isiraeli: “Lwa mwambuka mugera gwa Jorodani kuzia mu kivala cha Kanaani,

⁵² gamuduukira mukungi avandu vosi vamenyi mu kivala yicho. Mwononyie magina gaavo, gi vifananyi viu mugasa kandi havundu haavo hoosi hu kusigamira misambwa.

⁵³ Muvuguli kivala yiki mumenye mucho kigira inzi mali kumuha

⁵⁴ mugavulanyi kivala yiki hagati hi zihiiri mu viliango lugano lugano mulikuba zikuura; muhaane kedonye kenene chi miandu ji kivala ku kiliango kenene kandi kedonye kekekeeke ku kiliango kekekeeke.

⁵⁵ Navuzwa niiva simulakunga avandu vamenyi mukivala yiki, yavo avatigara valava vikirage kuli Lusasu luveeye mu zimoni zienyu kandi amafwa mu zimbalu zienyu, kandi valamulwaana.

⁵⁶ Niiva simulavakunga ndamudiviza kuli ndalohiza kuvadiviza.”