Livalidza 30 - KITABU KITAKATIFU

Amalago Kigira Liesuuha

¹ Musa yahaana malago yaga ku vimiliri vi zihiiri zia vandu va Isiraeli.

² Lwu mundu alombaa lilagana kuhaana kindu ku Yahova anaho kwigaya ku kindu, sigamuduukira avunage lilagana lilie mba, navuzwa gamuduukira akole kindu choosi cha yavoola alakola.

³ Lwu mukaana okemenyi munyumba ya baba weve alombaa lilagana kuhaana kindu ku Yahova naho kwigaya ku kindu,

⁴ gamuduukira akole kindu choosi cha yisuha anaho cha yalaga niiva baba weve alavula kusuura lwa hurila makuva yaga.

⁵ Navuzwa niiva baba weve alamugaya kutwekiza lilagana yili, sigamuduukira agakole mba. Yahova alamusamiiha kigira baba weve yamugaya.

⁶ Niiva mukaana ukikiri kuzia ilukali alisuuha mulienya lilie mwene naho kuvula kuganagana anaho kolomba lilagana kwigaya ku kindu, maku azie lukali,

⁷ gamuduukira akole vindu viosi via yisuha anaho via yalaga niiva musaza weve sialamugaya lwa hulira mba.

⁸ Navuzwa niiva musaza weve alahulira ma mugaye kutwekiza liesuuha yili, sigamuduukira agakole mba. Yahova alamusamiiha.

⁹ Mukunzakali anaho mukali wakungwa nu musaza weve gamuduukira atwekizi liesuuha liayalomba kandi lilagana liosi liayigaya ku kindu chalio.

¹⁰ Niiva mukali waletwa alisuuha anaho alaga kwigaya kutura ku kindu,

¹¹ gamuduukira akole kindu choosi cha yisuha anaho chayalaga niiva musaza weve si alamugaya lwa hulira kuyaga.

¹² Navuzwa niiva musaza weve alamugaya kutwekiza liesuuha lilie, sigamuduukira akole mba. Yahova alamusamiiha kigira musaza weve yamugaya kutwekiza liesuuha lilie.

¹³ Musaza weve aveeye nuvunyari kumuleka azizagiliri, anaho kumugaya kuzizagilira ni liesuuha anaho lilaga lia yaali nalombi.

¹⁴ Navuzwa niiva musaza weve alahulira liesuuha yili, ku lidiku yili mave nakikiri kumugaya, kuduuka akole vuli kindu choosi chamali kwisuuha anaho kulaga.

¹⁵ Navuzwa niiva alagaya liesuuha kuduuka anyoore amageri kigira avuli kutwekiza liesuuha yili.

¹⁶ Yaga nigo malago ga Yahova yahaana ku Musa kolondekana ni liesuuha liayalomba na vakana vakikiri kuletwa, avakemenyi mu zinyumba zia vababa vaavo, naho mukali waletwa.